1. Mosi 27:39 - Pennsylvania Dutch Bible

³⁹ Sei faddah da Isaac hott eem andvat gevva un hott ksawt, “Gukk moll, vekk funn di goot frucht funn di eaht solsht du layva, un vekk fumm dau fumm himmel funn ovva-heah.

1. Mosi 27:39 ပူးပေါင်းရင်းမြစ်များ

1. Mosi 27:27

So is eah nayksht ganga un hott eem en kuss gevva, un vo da Isaac sei glaydah kshmakt hott, hott eah een ksaykend un hott ksawt, “Gukk moll, da kshmakk funn mei sohn is vi's kshmakk fumm feld es da Hah ksaykend hott.

1. Mosi 27:28

Loss Gott diah da dau fumm himmel gevva, un di fett eahn funn di eaht, mitt feel frucht un neiyah vei.

1. Mosi 33:9

Avvah da Esau hott ksawt, “Ich habb blendi, mei broodah, hald vass du hosht fa dich selvaht.”

5. Mosi 33:13

Veyyich em Joseph hott eah ksawt, “Ksaykend beim Hah is sei land mitt keshtlich sach fumm himmel, mitt dau funn ovva-heah, un fumm deef vassah unna droh;

5. Mosi 33:28

So zayld Israel laynich voona unni kfoah; em Jakob sei shpring zayld in en land sei mitt frucht un neiyah vei, vo di himla da dau runnah falla lossa.

Hebräer 11:20

Deich da glawva hott da Isaac da Jakob un da Esau ksaykend veyyich di sacha es noch shpaydah am kumma voahra.

Joshua 24:4

Zumm Isaac habb ich da Jakob un da Esau gevva. Un ich habb's hivvel-land funn Seir zumm Esau gevva fa datt voona. Avvah da Jakob un sei kinnah sinn nunnah in Egypta ganga.