1. Mosi 27:1 - Pennsylvania Dutch Bible

¹ Nau is es zu kumma vo da Isaac moll ald voah un sei awwa zu blind voahra fa sayna, hott eah sei eldshtah boo da Esau, rei groofa un hott ksawt zu eem, “Mei sohn.” Un eah hott ksawt, “Do binn ich.”

1. Mosi 27:1 ပူးပေါင်းရင်းမြစ်များ

1. Mosi 25:33

No hott da Jakob ksawt, “Shveah zu miah seahsht.” No hott eah kshvoahra zu eem, un hott sei eahsht-geburt fakawft zumm Jakob.

1. Mosi 48:10

Nau di awwa fumm Israel voahra shvach funn eld un eah hott nimmi goot sayna kenna. No hott da Joseph si nayksht zu eem gebrocht un da Jakob hott si gekist un hott sei eahm um si rumm.

1. Kaynicha 14:4

No hott em Jerobeam sei fraw gedu vi eah ksawt hott un is zumm Ahia sei haus ganga in Silo. Nau da Ahia hott nimmi sayna kenn veil eah ald voah.

Breddichah 12:3

an di zeit vann selli ziddahra es es haus vatsha, un shteiki mennah iahra bikkel sich beeya; vann di mawlah shtobba mawla veil's so vennich funna sinn, un selli es am deich di fenshtahra gukka sinn dreeb vadda;

Johannes 9:3

Jesus hott eena ksawt, “Deah mann hott nett ksindicht un aw nett sei eldra, avvah eah voah so geboahra es Gott sei verka gvissa vadda kenna deich een.

5. Mosi 34:7

Da Mosi voah en hunnaht un zvansich yoah ald vo eah kshtauva is, avvah sei awwa voahra nett shvach un aw nett sei grefta.

1. Samuel 3:2

Moll ay nacht hott da Eli sich anna glaykt vo eah kammen als hott. (Bei nau voahra sei awwa so shvach es eah shiah nimmi sayna hott kenna.)