1. Mosi 26:30 - Pennsylvania Dutch Bible

³⁰ Eah hott eena no en grohs essa gmacht, un si henn gessa un gedrunka.

1. Mosi 26:30 ပူးပေါင်းရင်းမြစ်များ

1. Mosi 19:3

Avvah eah hott ohkalda an eena, so endlich sinn si mitt eem in sei haus ganga. Datt hott eah en grohs essa grisht fa si un hott unksavvaht-broht gebakka. No henn si gessa.

1. Mosi 21:8

Es kind is gvaxa un voah endlich ab gegvaynd. Da Abraham hott en grohs essa gmacht uf da dawk vo da Isaac ab gegvaynd voah.

1. Mosi 26:31

Da neksht meiya sinn si free uf kshtanna un henn kshvoahra zu nannah. No hott da Isaac si vekk kshikt, un si sinn funn-nannah ganga in fridda.

1. Mosi 31:54

No hott da Jakob en opfah gmacht datt uf'm hivvel, un hott sei freindshaft kaysa an's essa kumma. Si henn gessa un voahra datt uf'm hivvel ivvah-nacht.

2. Mosi 18:12

No hott em Mosi sei shviah-faddah, da Jethro, en brand-opfah un anri opfah zu Gott gebrocht. Da Aaron mitt awl di eldishti funn Israel sinn kumma broht essa mitt em Mosi sei shviah-faddah fannich Gott.

Römer 12:18

Vann's meeklich is, un so feel es diah kennet, layvet in fridda mitt awl mensha.

Hebräer 12:14

Machet fridda mitt awl mensha un seind heilich; unni heilichkeit zayld nimmand da Hah sayna.

1. Petrus 4:9

Nemmet nannah geahn in eiyah haymeda unni grumla.