1. Mosi 21:6 - Pennsylvania Dutch Bible

⁶ Di Sara hott no ksawt, “Gott hott mich lacha gmacht, un alli-ebbah es dess heaht zayld lacha mitt miah.”

1. Mosi 21:6 ပူးပေါင်းရင်းမြစ်များ

1. Mosi 17:17

Da Abraham is no uf sei ksicht kfalla un hott glacht. Eah hott ksawt in seim hatz, “Zayld en kind geboahra sei zu en mann es en hunnaht yoah ald is? Un zayld di Sara es neintzich yoah ald is en kind havva?”

Psalm 113:9

Eah gebt di unfruchtboah fraw frayt in di haymet, un macht si en fraylichi maemm mitt kinnah. Halleluja!

Psalm 126:2

Unsah meilah voahra kfild mitt laches, un unsah zunga henn ksunga mitt frayt. No voah's ksawt gvest unnich di heida, “Da Hah hott grohsi sacha gedu fa si.”

Jesoiya 49:15

“Kann en maemm iahra kind fagessa an iahra brusht, un nett bamhatzich sei zu's kind es see geboahra hott? Even vann see's fagessa mecht, ich fagess dich nett!

Jesoiya 49:21

No sawksht du in deim hatz, ‘Veah hott miah dee geboahra? Ich voah bedreebt un unfruchtboah, ich voah vekk gedrivva un nunnah gedrayt. Veah hott dee ufgezowwa? Ich voah gans laynich glost, vo sinn dee bei kumma?’”

Jesoiya 54:1

“Sing, du unfruchtboahri fraw, du es nee kenn kind katt hosht; froi dich mitt singes, greish mitt frayt, du es nee kenn kind-shmatza katt hosht; veil di fraw es falossa vadda is may kinnah havva zayld es selli es en mann hott,” so sawkt da Hah.

Jeremia 20:15

Faflucht is da mann es meim daett ksawt hott, “Du hosht en kind, en boo,” un's hott een oahrich froh gmacht.

Lukas 1:14

Un du zaylsht dich froiya un froh sei, un aw feel leit zayla sich froiya veil eah geboahra is.

Lukas 1:58

Un di nochbahra un iahra freindshaft henn keaht es da Hah oahrich bamhatzich voah zu iahra, un si henn sich kfroit mitt iahra.

Römer 12:15

Froiyet eich mitt selli es sich froiya, un heilet mitt selli es heila.

Hebräer 11:11

Deich da glawva hott di Sara aw graft grikt fa en kind drawwa, un's voah ayns geboahra zu iahra noch demm es see zu ald voah. Dess voah veil see sich falossa hott uf di shtandhaftichkeit funn demm vo's fashprocha katt hott.

1. Samuel 1:26

See hott ksawt zu eem, “Oh mei hah, so voah es dei sayl laybt, ich binn di fraw es do bei diah kshtanna hott am bayda zumm Hah.