1. Mosi 2:8 - Pennsylvania Dutch Bible

⁸ Un Gott da Hah hott en goahra geblanst in Ayden geyyich di east, un datt hott eah da mann nei gedu es eah gmacht katt hott.

1. Mosi 2:8 ပူးပေါင်းရင်းမြစ်များ

1. Mosi 13:10

Da Lot hott rumm gegukt un hott di gans gaygend fumm Jordan Revvah ksenna. Eah hott ksenna es es goot gvessaht voah ivvahrawlich biss du an Zoar kumsht, so vi da goahra fumm Hah, adda's land funn Egypta. (Dess voah eb da Hah di shtett fumm Sodom un Gomorra fadauva hott.)

1. Mosi 3:23

fasell hott Gott da Hah een naus kshikt aus em Goahra-Ayden fa da grund shaffa. Dess is da grund es eah difunn gnumma gvest voah.

1. Mosi 3:24

So hott eah da mann raus gedrivva, un hott di cherubim un en feiyahrich shvatt es am alli vayya drayya voah, an di east seit fumm Goahra-Ayden gedu fa da vayk zumm layves-bohm heeda.

1. Mosi 4:16

Da Koin is no vekk fumm Hah ganga un hott imma land glaybt es Nod hayst, east funn Ayden.

2. Kaynicha 19:12

Henn di gettah funn di lendah es mei foah-feddah zu nix gebrocht henn si sayf kalda—di gettah funn di shtett funn Gosan, Haran, Rezeph un di leit funn Eden es in Telassar gvoond henn?

Jesoiya 51:3

Da Hah zayld Zion drayshta, un zayld bamhatzich sei zu iahra veeshti bletz; eah macht iahra vildahnis vi Eden, un iahra drukka land vi em Hah sei goahra. Frayt un fraylichkeit vatt kfunna datt, un aw dankboahkeit un di yacht funn singes.

Ezekiel 27:23

Haran, Kanne, Eden un di kawf-leit funn Seba, Assur un Kilmad henn kandeld mitt diah.

Ezekiel 28:13

Du voahsht in Eden, im goahra funn Gott; alli sadda deiyahri shtay hosht du gvoahra: ruby, topaz un diamond, beryl, onyx un jasper, sapphire, turquoise un beryl. Dee shtay voahra in gold ksetzt fa dich, si voahra gmacht uf da dawk es du kshaffa voahsht.

Ezekiel 31:16

Ich habb di heida-leit gmacht ziddahra vo si een keaht henn falla an di zeit vo ich een nunnah zu di dohda in's grawb kshmissa habb. Awl di baym funn Eden, awl di beshta baym funn Lebanon, awl selli es vassah drinka, vadda gedrohsht in di veld funn dohdi mensha.

Ezekiel 31:18

Mitt vels funn di baym in Eden kansht du faglicha sei in dei glitz un hallichkeit? Doch, du zaylsht aw nunnah gebrocht sei mitt di baym funn Eden drunna unnich di eaht. Du zaylsht datt leiya mitt di unbeshniddana, unnich selli es doht gmacht voahra mitt em shvatt. So soll's gay mitt em Pharao un sei leit, sawkt da Awlmechtich Hah.’”

Joel 2:3

En feiyah fazeaht sach fannich eena, un hinnich eena brend en flamm. Fannich eena is es land vi da Goahra Eden, un hinnich eena vi en veeshti vildahnis, nix kumd vekk funn eena.