1. Mosi 19:9 - Pennsylvania Dutch Bible

⁹ Avvah si henn ksawt, “Shtay zrikk.” No henn si ksawt, “Deah kall is do heah kumma es en ausahrah, un nau vill eah ohlossa eah is en richtah. Miah doon shlimmahri sacha zu diah es zu eena.” No henn si ohkfanga da Lot zrikk sheeva un henn vella di deah nunnah brecha.

1. Mosi 19:9 ပူးပေါင်းရင်းမြစ်များ

1. Mosi 11:6

No hott da Hah ksawt, “Gukk moll, si sinn ay leit un henn ay shprohch, un dess is vass si ohkfanga henn du. Nau nix es si denka fa du zayld ummeeklich sei fa si.

1. Mosi 13:12

Da Abram hott im land funn Kanaan gvoond, un da Lot hott in di shtett funn di valley gvoond. Eah hott sei tents rumm heah ufkokt, so veit es nivvah an Sodom.

2. Mosi 2:14

Avvah eah hott ksawt zu eem, “Veah hott dich unsah ivvah-saynah un richtah gmacht? Zaylsht du mich doht macha vi du sellah Egyptah doht gmacht hosht?” No hott da Mosi sich kfeicht, un hott ksawt, “Dess ding is geviss nau raus kumma.”

Shpricha 14:16

En mann mitt veisheit gebt acht un drayt vekk funn evil, avvah en dummah mann gebt nix drumm un is unbekimmaht.

Shpricha 17:12

'Sis bessah fa en muddah beah ohdreffa es iahra glenni kshtohla grikt hott, es vi en unksheidah mensh am sei dumhayda ausdrawwa.

Shpricha 27:3

En shtay is shveah, un sand hott gvicht, avvah da druvvel es en unksheidah macht is shveahrah es si awl zvay.

Breddichah 10:13

Am ohfang sinn sei vadda yusht dummi kshvetzah, avvah am end sinn si ungettlichah roht.

Breddichah 9:3

Dess is es evil ding in alles es ohgayt unnich di sunn; sell is, es es gleicha end zayld zu alli-ebbah kumma. Un di hatza funn mensha sinn foll evil un unfashtand diveil es si levendich sinn, un shpaydah missa si shtauva.

Jesoiya 65:5

Si sawwa, ‘Hald dich vekk funn miah, ich binn zu heilich fa dich.’ Leit vi sell sinn shmohk in mei naws, en feiyah es da gans dawk brend.

Jeremia 3:3

Fasell is da free-reyya zrikk kohva vadda, un da shpoht-reyya is nett kumma. Du dusht even gukka vi en huah; avvah du dusht dich nett shemma.

Jeremia 6:15

Doon si sich shemma bei awl dee grausami sacha du? Nay, si henn kenn shohm; iahra ksichtah vadda nett even roht. Si zayla falla unnich di kfallana; si vadda nunnah gebrocht vann ich si moll shtrohf,” sawkt da Hah.

Jeremia 8:12

Doon si sich shemma bei awl dee sacha du? Nay, si henn kenn shohm; iahra ksichtah vadda nett even roht. Fasell zayla si falla unnich di kfallana; si vadda nunnah gebrocht vann ich si moll shtrohf,’ so sawkt da Hah.

Ezekiel 16:49

Nau dess is di sind funn dei shveshtah Sodom: See un iahra shveshtahra voahra shtols. Si henn zu feel gessa un voahra unbekimmaht un henn di oahma un selli in noht nett kolfa.

Matthäus 7:6

Gevvet nett sell vass heilich is zu di hund, un shmeiset nett eiyah keshtlichi sacha zu di sei, shunsht doon si's fadredda mitt di fees un no rumm drayya un eich fareisa.”

1. Samuel 17:44

“Kumm do heah,” hott eah ksawt, “un ich gebb dei flaysh zu di fekkel in di luft un zu di diahra im feld.”

1. Samuel 2:16

Un vann da mann ksawt hott zu eem, “Si missa geviss seahsht's fett fabrenna, no nemm so feel es du vitt,” dann hott da gnecht als ksawt, “Nay, gebb's zu mich nau; vann du nett dusht, dann nemm ich's mitt gvald.”

1. Samuel 25:17

Nau denk dess ivvah un gukk moll vass du du kansht, fa's zayld grohsa druvvel uf unsah meishtah un sei gansi haus-halding kumma. Eah is so en dikk-kebbichah mann es nimmand eem ebbes sawwa kann.”