1. Mosi 18:7 - Pennsylvania Dutch Bible

⁷ No is da Abraham naus zumm fee kshprunga, un hott en goot, yung hamli raus glaysa un hott's zu sei gnecht gevva. Eah hott sich gedummeld fa's rishta.

1. Mosi 18:7 ပူးပေါင်းရင်းမြစ်များ

1. Mosi 18:6

No is da Abraham kshvind nei in da tent zu di Sara ganga, un hott ksawt, “Kshvind, grikk drei daylah funn fei mayl, shaff's uf, un bakk samm broht.”

1. Mosi 18:8

No hott eah samm buddah un millich gnumma, un's hamli es gebutshaht voah un hott's fannich si ksetzt unnich em bohm. Diveil es si gessa henn, hott eah nayksht bei eena kshtanna unnich em bohm.

1. Mosi 19:3

Avvah eah hott ohkalda an eena, so endlich sinn si mitt eem in sei haus ganga. Datt hott eah en grohs essa grisht fa si un hott unksavvaht-broht gebakka. No henn si gessa.

Amos 6:4

Diah leiyet in beddah es ivvah-glaykt sinn mitt ivory, un shtrekket eich aus uf feini coucha. Diah esset di beshta lemmah un di fedda kelvah.

Maleachi 1:14

“Faflucht is sellah uneahlich mensh es en goodah shohf-bokk in sei drubb hott es eah fashprocha hott, un gayt no un opfaht aynah zumm Hah es en faylah hott. Fa ich binn en grohsah kaynich,” sawkt da Awlmechtich Hah, “un mei nohma bringd furcht unnich di heida.”

Matthäus 22:4

No hott eah viddah anri shaff-leit naus kshikt un hott eena ksawt, ‘Sawwet selli vo kaysa sinn, gukket moll, ich habb mei essa grisht, mei oxa un mei feddi hamlen sinn kshlachta un alles is grisht. Kummet an di hochtzich.’

Lukas 15:23

un bringet en fett hamli un shlachtet's. Vella essa un fraylich sei.

Lukas 15:27

Da gnecht hott eem ksawt, ‘Dei broodah is haym kumma, un dei daett hott en fett hamli kshlachta veil dei broodah viddah ksund zrikk kumma is.’

Lukas 15:30

Avvah vo deah boo funn deim haym kumma is, noch demm es eah dei geld awl fablohsa katt hott uf huahra, hosht du en fett kalb kshlachta fa een!’

1. Samuel 28:24

Di fraw hott en fett hamli am haus katt un see hott's grawt kshlachta. See hott mayl gnumma, hott dayk gmacht un hott unksavvaht-broht gebakka.