1. Mosi 1:30 - Pennsylvania Dutch Bible

³⁰ Un zu alli diah uf di eaht, zu alli fokkel in di luft, zu alles es uf em bodda graddeld, un zu alles es layva hott uf di eaht, habb ich awl di greena blansa gevva fa ess-sach.” Un's voah so.

1. Mosi 1:30 ပူးပေါင်းရင်းမြစ်များ

1. Mosi 6:21

Un nemm zu diah alli sadda ess-sach fa essa. Du solsht's zammah samla, un's soll ess-sach sei fa dich un fa si.”

1. Mosi 9:3

Alles es sich faraykt un laybt soll ess-sach sei fa eich. Grawt vi ich eich greeni blansa gevva habb, gevvich eich nau alles.

Hiob 39:30

Sei yungi saufa's bloot un vo ebbes dohdes is, datt is eah.”

Hiob 39:4

Di yunga vadda shteik un vaxa uf draus im uffena, si falossa un kumma nimmi zrikk zu eena.

Hiob 39:8

Eah gayt ivvah di hivla fa sei vayt, un sucht fa alli gree ding.

Hiob 40:15

Gukk moll's diah da behemoth, deah es ich gmacht habb vo ich dich gmacht habb. Eah frest graws vi en ox.

Hiob 40:20

Di hivla gevva eem sei ess-sach, un awl di vilda diahra shpeela datt.

Psalm 104:14

Du machsht's graws vaxa fa's fee, un di blansa es leit acht gevva druff, so es si iahra ess-sach greeya kenna funn di eaht.

Psalm 147:9

Eah gebt foodah zumm fee, un zu di yunga grabba vann si roofa.