1. Mosi 1:14 - Pennsylvania Dutch Bible

¹⁴ No hott Gott ksawt, “Loss lichtah in di shpann fumm himmel sei fa da dawk un di nacht funn-nannah halda. Si sella zaycha sei fa di zeida fumm yoah, di dawwa, un di yoahra meika.

1. Mosi 1:14 ပူးပေါင်းရင်းမြစ်များ

1. Mosi 1:13

Un's voah ohvets un meiyets, da dritt dawk.

1. Mosi 1:15

Un loss di lichtah in di shpann fumm himmel sei fa helling macha uf di eaht.” Un's voah so.

1. Mosi 8:22

So lang es di eaht shtayt soll's en zeit sei fa blansa un eahnda, fa kald un hays sei, fa summah un vindah sei un fa dawk un nacht sei. Dee zeida zayla nee nett ufheahra.”

1. Mosi 9:13

Ich habb mei reyyah-bohwa in di volka ksetzt un dess soll en zaycha sei funn demm bund zvishich miah un di eaht.

Hiob 25:3

Kenna sei greeks-gnechta gezayld sei? Un uf veah dutt sei helling nett sheina?

Hiob 25:5

Even da moon sheind nett hell, un di shtanna sinn nett rein in sei awwa,

Hiob 3:9

Loss di meiya-shtanna funn selli nacht dunkel sei; loss si voahra fa da dawk es nett kumma zayld, un aw nett di eahsht helling funn di sunn,

Psalm 119:91

Si shtayt heit noch deich dei adnunga, fa alles muss dich deena.

Psalm 148:3

Lohvet een, sunn un moon, lohvet een, awl shtanna mitt helling!

Psalm 148:6

Eah hott si in iahra blatz gedu fa'immah un immah. Eah hott en adning gevva es immah shtay bleibt.

Psalm 150:1

Halleluja! Lohvet Gott in seim tempel; lohvet een in seim mechticha himmel.

Psalm 81:3

Blohset's blohs-hann an di zeit fumm Neiya-Moon un an di zeit fumm folla moon, uf unsah fesht-dawk.

Jesoiya 40:26

Hayvet eiyah awwa uf un gukket in di hay; veah hott awl dee shtanna gmacht? Eah fiaht si awl raus bei nambah, un rooft si awl bei iahra nayma. Sei macht un awlmechtichi graft is so grohs, es nett ayns funn eena fafayld gay zayld.

Jeremia 10:2

Dess is vass da Hah sawkt: “Diah sellet nett di heida iahra vayya lanna, adda eich feicha veyyich di zaycha im himmel, so vi di heida sich feicha.

Jeremia 31:35

Dess is vass da Hah sawkt, sellah es di sunn gebt fa helling deich da dawk, un da moon un di shtanna fa helling deich di nacht; sellah es da say uf shtatt so es di vella roahra— sei nohma is Da Awlmechtich Hah:

Jeremia 33:20

“Dess is vass da Hah sawkt: ‘Ich habb en bund gmacht mitt em dawk un di nacht so es si immah kumma an di recht zeit; un sell bund kann nee nett gebrocha sei.

Jeremia 33:25

Avvah dess is vass da Hah sawkt: ‘Ich habb en bund gmacht mitt em dawk un di nacht, un habb di adnunga im himmel un uf di eaht ufksetzt.

Ezekiel 46:1

“‘Dess is vass da Awlmechtich Hah sawkt: Es doah zumm innahlicha foah-hohf geyyich di east soll zu kalda sei deich di sex shaff-dawwa, avvah uf em Sabbat-Dawk un uf em dawk fumm Neiya-Moon soll's uf gmacht sei.

Ezekiel 46:6

Uf em dawk fumm Neiya-Moon soll eah en yungah bull, sex lemmah un en shohf-bokk opfahra. See sella awl sei unni faylah.

Joel 2:10

Di eaht shiddeld fannich eena, un di himla ziddahra, di sunn un da moon vadda dunkel, un di shtanna sheina nimmi.

Joel 3:15

Di sunn un da moon vadda dunkel, un di shtanna heahra uf sheina.

Amos 5:8

Sellah es di free-yoah un shpoht-yoah shtanna gmacht hott, es es dunkla funn di nacht in da meiya macht, un es di helling funn dawk in di nacht macht; sellah es shikt fa's vassah fumm say, un leaht's ivvah di gans eaht— sei nohma is da Hah.

Amos 8:9

“In sellem dawk,” sawkt da Awlmechtich Hah, “mach ich di sunn unnah gay am middawk, un mach's dunkel deich da dawk.

Matthäus 2:2

Si henn ksawt, “Vo is deah kaynich funn di Yudda es geboahra is vadda? Miah henn sei shtann ksenna in di east un sinn kumma een ohbayda.”

Matthäus 24:29

Un grawt noch di grohs dreebsawl funn selli zeit, ‘Vatt di sunn dunkel gmacht un da moon gebt sei helling nett. Di shtanna falla fumm Himmel un di grefticha fumm Himmel vadda kshiddeld.’

Markus 13:24

Avvah in selli dawwa, noch selli grohs dreebsawl, ‘zayld da moon un di sunn iahra helling nett gevva.

Lukas 23:45

Di sunn hott ufkeaht sheina, un's curtain im tempel voah in zvay shtikkah grissa.

5. Mosi 4:19

Un gevvet acht vann diah nuff in da himmel gukket un saynet di sunn, da moon un di shtanna—awl di sacha im himmel—es diah nett vekk gezowwa vaddet fa nunnah bikka un si deena. Dee sacha hott da Hah eiyah Gott gevva zu alli folk unnich em himmel.

Di Offenbarung 6:12

Vo eah da sext seal uf gmacht hott, habb ich gegukt un's voah en grohsi eaht-bayben. Di sunn is shvatz vadda vi sakk-duch un da moon is vadda vi bloot.

Di Offenbarung 8:12

No hott da fiaht engel geblohsa, un en driddel funn di sunn is kshlauwa vadda, un en driddel fumm moon, un en driddel funn di shtanna. En driddel funn iahra lichtah voahra dunkel gmacht, so es en driddel fumm dawk dunkel voah, un aw en driddel funn di nacht.

Di Offenbarung 9:2

Un eah hott da brunna unni bodda uf gmacht, un's is shmohk raus kumma vi da shmohk funn en grohsah offa. Di sunn un di luft voahra dunkel gmacht bei em shmohk fumm brunna.