1. Korinther 9:20 - Pennsylvania Dutch Bible

²⁰ Zu di Yudda binn ich vadda es vi en Yutt, so es ich di Yudda zumm glawva fiahra kann. Zu selli vo unnich em Ksetz sinn, binn ich vadda es vi aynah unnich em Ksetz, so es ich selli unnich em Ksetz zumm glawva fiahra kann.

1. Korinther 9:20 ပူးပေါင်းရင်းမြစ်များ

Di Apostelgeschichte 16:3

Da Paulus hott vella da Timotheus mitt sich nemma. No hott eah een beshnidda so es di Yudda vo datt voahra dess nett geyyich een hayva dayda. Si henn awl gvist es sei daett Greeyish is.

Di Apostelgeschichte 18:18

Da Paulus is noch adlich veil datt geblivva. Vo eah vekk ganga is funn di breedah is eah in en shiff an Syria ganga. Di Priscilla un da Aquila sinn mitt eem ganga. Da Paulus hott sei hoah abkshoahra an Kenchrea veil eah en fashprechnis gmacht hott.

Römer 11:14

Dess is so es mei leit, di Yudda, fagunshtlich vadda, un deich sell, samm funn eena saylich vadda.

Römer 3:19

Nau miah vissa es vass-evvah es es Ksetz sawkt, dess sawk's zu selli vo unnich em Ksetz sinn. Dess is so es alli maul shtill gmacht vatt, un di gans veld shuldich vatt fannich Gott.

Galater 2:19

Fa deich's Ksetz binn ich kshtauva zumm Ksetz, so es ich layva kann fa Gott.

Galater 4:21

Sawwet miah, diah vo unnich em Ksetz sei vellet, heichet diah's Ksetz nett oh?

Galater 4:5

so es eah selli lohs macha kann vo unnich em Ksetz sinn, un so es miah di foll kinnah-eahbshaft greeya kenna.

Galater 5:18

Avvah vann diah kfiaht sind bei em Geisht, sind diah nett unnich em Ksetz.