1. Korinther 7:31 - Pennsylvania Dutch Bible

³¹ Selli vo zu du henn mitt di veld, sella nett ufgnomma sei mitt iahra. Fa di sacha funn dee veld zayla fagay.

1. Korinther 7:31 ပူးပေါင်းရင်းမြစ်များ

Psalm 39:6

Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Psalm 73:20

Vi en drohm fagayt vann ebbah uf vekt, so, Hah, vann du uf veksht, dann fa'achtsht du iahra bild.

Breddichah 1:4

Ay layves-zeit fagayt, un en anri kumd, avvah di eaht bleibt shtay fa'immah.

Breddichah 11:2

Gebb en dayl zu sivva adda acht leit, fa du vaysht nett vass fa druvvel es es gevva zayld uf di eaht.

Lukas 21:34

Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.

1. Korinther 7:29

Avvah ich sawk dess, leevi breedah, di zeit is oahrich katz. Funn nau on, losset selli vo keiyaht sinn sei es vann si nett keiyaht veahra.

1. Korinther 7:30

Selli vo veina, losset si sei es vann si nett veina dayda. Un selli vo sich froiya, losset si sei vi selli vo sich nett froiya. Un selli vo sacha kawfa, losset si sei es vann si's nett aykna dayda.

1. Korinther 9:18

Vass is dann mei betzawling? Yusht dess: es ich's Effangaylium breddicha kann, un's ohbeeda kann unni tsheahtsha, un brauch nett mei recht yoosa im Effangaylium.

Hebräer 12:27

Di vadda, “Noch ay moll” veisa es sell vass gmacht is, soll kshiddeld sei un vekk gnumma sei, so es sell vass nett kshiddeld sei kann, bleiva soll.

Jakobus 4:14

Vei du vaysht goah nix veyyich meiya. Vass is dei layva? Es is yusht vi da nevvel es sich veist fa en glenni zeit un no viddah fagayt.

1. Petrus 1:24

Fa, “Awl flaysh is vi graws, un awl mensha iahra hallichkeit is vi di blumma fumm graws. Es graws fadatt un di blumma falla ab,

1. Petrus 4:7

Es end funn alli sacha is nayksht. Fasell, seind psunna un haldet eiyah meind sohbah so es diah bayda kennet.

1. Johannes 2:17

Un di veld fagayt mitt iahra lusht, avvah deah vo Gott sei villa dutt zayld layva fa'immah.