1. Korinther 4:9 - Pennsylvania Dutch Bible

⁹ Ich denk als, Gott hott uns aposhtla in da alli hinnahsht blatz gedu, so vi mennah es ivvah-gevva sinn zumm doht. Miah sinn vi ebbes kshpassiches es leit bei kumma fa sayna. Dess sinn miah zu di veld, zu di engel un zu mensha.

1. Korinther 4:9 ပူးပေါင်းရင်းမြစ်များ

Psalm 44:22

Avvah fa dich sinn miah alli dawk in di kfoah funn doht gmacht sei; miah sinn gnumma vi shohf fa kshlacht sei.

Psalm 71:7

Ich binn vi en vunnah zu feel leit, avvah du bisht mei shteikah Roo-Blatz.

Jeremia 20:18

Favass binn ich selayva aus mei maemm iahra muddahs-leib kumma? Voah's yusht fa druvvel un dreebsawl sayna, un mei dawwa enda lossa in shohm?

Di Apostelgeschichte 19:29

Di gans shtatt voah in en ufruah un fahuddeld. No sinn si mitt ay meind rei kumma zu shpringa un henn da Gaius un da Aristarchus fesht gnumma, un henn si an da blatz gnumma vo di leit als zammah kumma sinn. Dee mennah voahra funn Matzedonia un sinn mitt em Paulus rumm heah ganga gvest.

Di Apostelgeschichte 19:31

Un edlichi funn di ivvah-saynah funn Asia, es em Paulus sei goodi freind voahra, henn eem vatt kshikt un henn ohkalda es eah soll nett nei gay an da blatz vo di leit sich fasammeld henn.

Römer 8:36

So vi's kshrivva shtayt, “Fa dich sinn miah am doht gmacht vadda da gans dawk lang. Miah sinn gnumma fa shohf es am voahra sinn fa kshlachta vadda.”

1. Korinther 15:19

Vann miah yusht in demm layva hofning henn in Christus, dann sinn miah di aylendichshta unnich awl mensha.

2. Korinther 11:23

Sinn si deenah funn Christus? Ich binn en bessahrah. (Ich shvetz vi en nah.) Ich habb feel haddah kshaft. Ich voah ivvah di maws fagaysheld un voah may eikshtekt, un oft shiah doht.

2. Korinther 6:9

vi dee unbekanda un doch goot bekandi, vi dee vo shtauva, un doch am layva, kshtrohft, un doch nett doht gmacht,

1. Thessalonicher 3:3

so es es nimmand falayt vatt deich dee dreebsawl. Diah visset es sell unsah dayl is,

Hebräer 1:14

Sinn nett awl di engel geishtah es Gott deena doon, un sinn naus kshikt fa selli helfa vo di saylichkeit eahva zayla?

Hebräer 10:33

Uf di aynd hand voahret diah selvaht fafolkt fannich alli-ebbah mitt feel dreebsawl, un uf di annah hand hend diah selli bei-kshtanna es aw so deich macha henn missa.

Hebräer 11:36

Un anri sinn fashpott un fagaysheld vadda, un voahra gebunna mitt kedda un voahra eikshtekt.