1. Korinther 4:8 - Pennsylvania Dutch Bible

⁸ Diah sind nau shund satt; diah sind nau shund reich, un layvet vi kaynicha unni uns. Ich vott diah veahret rechti kaynicha so es miah mitt eich roola kenda!

1. Korinther 4:8 ပူးပေါင်းရင်းမြစ်များ

Shpricha 13:7

Ay mann lost oh eah is reich, un hott nix, avvah en anrah lost oh eah is oahm, un is oahrich reich.

Shpricha 25:14

Vi volka un vind unni reyya, so is en mann es braekt veyyich kshenkah es eah nett gevva hott.

Jesoiya 5:21

Vay zu selli es sich selvaht sayna mitt veisheit, un mayna si sinn shmeaht.

Jeremia 28:6

Eah hott ksawt, “Amen! Ich hoff da Hah dutt sell! Ich hoff da Hah macht di vadda voah kumma es du gebroffetzeit hosht veyyich's ksha im Hah sei haus voah un awl di leit es vekk gnumma voahra zrikk do heah bringa funn Babylon.

4. Mosi 11:29

Avvah da Mosi hott ksawt, “Bisht du bekimmaht fa mich? Ich vott awl fumm Hah sei leit veahra brofayda, so es da Hah sei Geisht uf si du dayt!”

Matthäus 5:1

Vo Jesus dee feel leit ksenna hott, is eah nuff uf en hivvel ganga un hott sich annah kokt. Sei yingah sinn zu eem kumma.

Lukas 6:25

Vay zu eich vo satt sind, fa diah zaylet hungahrich vadda. Vay zu eich vo nau lacha, fa diah zaylet heila un veina.

Di Apostelgeschichte 26:29

Da Paulus hott ksawt, “Es macht nix aus eb's en langi adda en katzi zeit is, ich vinsh fannich Gott es nett yusht du, avvah alli-ebbah es mich heaht, veah so vi ich binn—avvah unni dee banda.”

Römer 12:3

Deich di gnawt es gevva is zu miah sawk ich zu yaydah mann unnich eich: Nimmand soll haychah denka funn sich selvaht es vass eah denka sett. Avvah leevah, loss een sich selvaht richta in daymeedichkeit bei em glawva es Gott ausgedayld hott zu eem.

1. Korinther 1:5

so es diah reich gmacht sind deich een in alli sach, un in alles es diah sawwet un denket,

1. Korinther 4:18

Samm sinn grohs-feelich un shikka sich oh es vann ich nett zu eich kumma dayt.

1. Korinther 5:6

Eiyah gebraekk is nett goot. Vissa diah nett es en bissel savvah-dayk da gans haufa dayk savvah macht?

2. Korinther 11:1

Ich hoff diah doond uf mitt bissel funn meina dumhayda; yau, diah sind nau shund am sell du.

2. Korinther 13:9

Miah sinn froh vann miah shvach sinn, un diah mechtich sind. Un miah bayda aw es diah folkumma vaddet.

Galater 6:3

Vann ebbah maynd eah veah ebbes, vann eah nix is, dann fafiaht eah sich selvaht.

Philipper 1:27

Avvah losset eiyah layves-lawf so sei es es Effangaylium funn Christus veaht is. So es eb ich kumm un sayn eich, adda vekk bleib, ich heahra kann es diah am shtandhaftich shtay sind in aym geisht, un am aynich zammah shaffa sind fa da glawva fumm Effangaylium,

Philipper 2:12

So, mei beleebdi breedah, grawt vi diah immah keicht hend, so doond nau aw, nett yusht vann ich datt binn, avvah feel may vann ich nett datt binn, shaffet eiyah saylichkeit aus mitt angsht un ziddahra.

Di Offenbarung 3:17

Du sawksht, “Ich binn reich un habb goot gedu un brauch nix.” Avvah du vaysht nett es du aylendich, yammahlich, oahm, blind un nakkich bisht.

Di Offenbarung 5:10

Du hosht uns kaynicha un preeshtah gmacht zu unsah Gott, un miah zayla kaynicha sei ivvah di gans veld.”