1. Korinther 3:15 - Pennsylvania Dutch Bible

¹⁵ Vann ennich ebbahm sei eahvet ufgebrend vatt, dann muss eah shawda leida, avvah eah selvaht zayld saylich vadda, doch, so es vi deich's feiyah.

1. Korinther 3:15 ပူးပေါင်းရင်းမြစ်များ

Hiob 23:10

Avvah eah vayst da vayk es ich gay; vann eah mich moll broviaht hott, dann kumm ich raus vi pyuah gold.

Psalm 66:10

Fa du hosht uns ausbroviaht, oh Gott; du hosht uns greinicht vi silvah.

Psalm 66:12

Du hosht leit glost ivvah unsah kebb foahra; miah sinn deich's feiyah un deich's vassah ganga. Avvah du hosht uns datt raus kfiaht zu en blatz mit blendi sach.

Amos 4:11

“Ich habb eich unnah gay gmacht, vi ich Sodom un Gomorra unnah gay gmacht habb. Diah voahret vi en brennichah shtekka es fumm feiyah gnumma voah, doch sind diah nett zrikk zu miah gedrayt,” sawkt da Hah.

Sacharia 3:2

Da Hah hott ksawt zumm Satan, “Da Hah soll dich zanka, Satan! Loss da Hah es Jerusalem leeb hott, dich zanka! Is deah mann nett vi en brennichah shtekka es aus em feiyah gnumma is?”

Di Apostelgeschichte 27:21

Un vo shund lang nimmand ebbes gessa katt hott is da Paulus ufkshtanna in di mitt funn eena un hott ksawt, “Leevi mennah, diah heddet sedda miah heicha un nett ab shteahra funn Crete. No heddet diah nett missa so leida un sach faliahra.

Di Apostelgeschichte 27:44

Samm funn di ivvahricha henn blanka gnumma, un anri fabrochani shtikkah fumm shiff, un sellah vayk sinn si awl sayf an's land kumma.

1. Petrus 4:18

“Un vann di gerechta yusht so goah saylich vadda, vass gebt's mitt dee vo ungettlich un sindah sinn?”

2. Johannes 1:8

Vatshet eich, es miah nett faliahra vass miah kshaft henn difoah, avvah es miah en follah lohn greeya.

Judas 1:23

Machet anri saylich mitt furcht. Zeeyet si aus em feiyah, un hasset even's glayt es fadrekt is mitt em flaysh.

Di Offenbarung 3:18

Fasell, gevvich diah roht fa gold kawfa funn miah es greinicht is im feiyah, so es du reich vasht; un fa veisi glaydah kawfa funn miah fa dich glayda un da shohm funn dei nakkichheit zu dekka; un es du dei awwa shmiahsht mitt awwa-shmiah so es du sayna kansht.