1. Korinther 14:25 - Pennsylvania Dutch Bible

²⁵ Sei innahlichi gedanka fumm hatz vadda abgedekt, un eah fald uf sei ksicht un lohbt Gott, un bekend es Gott voahhaftich in eich is.

1. Korinther 14:25 ပူးပေါင်းရင်းမြစ်များ

1. Mosi 44:14

Da Joseph voah alsnoch im haus vo da Juda un sei breedah zrikk kumma sinn, un si sinn uf da bodda kfalla fannich eem.

Psalm 72:11

Awl di kaynicha zayla sich nunnah bikka zu eem, un awl di heida zayla een deena.

Jesoiya 45:14

Dess is vass da Hah sawkt: “Di sacha funn di Egyptah un di Kushiddah, un di grohsa leit funn Seba, zayla zu diah kumma un zayla dei sei. Si zayla diah nohch kumma un zayla in kedda sei. Si zayla sich nunnah bikka zu diah, un dich bidda un sawwa, ‘Gott laynich is mitt diah, un's hott kenn anrah gott.’”

Jesoiya 60:14

Di kinnah funn selli es dich nunnah gedrikt henn, zayla nunnah gebikt zu diah kumma; selli es dich hassa, beeya sich nunnah an dei fees, un haysa dich ‘Di Shtatt Fumm Hah, Zion, Em Heilicha Gott Funn Israel Sei Shtatt.’

Daniel 2:47

Da kaynich hott ksawt zumm Daniel, “Dei Gott is geviss da Gott funn awl di gettah un da Hah funn awl di kaynicha. Un eah macht awl di fashtekkelda sacha gvissa, veil du dess fashtekkeld ding veisa hosht kenna.”

Sacharia 8:23

Dess is vass da Awlmechtich Hah sawkt: “In selli dawwa zayla zeyya mennah funn alli sadda shprohcha un lendah hohld nemma an aym Yutt sei glaydah un sawwa, ‘Losset uns mitt eich gay, veil miah keaht henn es Gott bei eich is.’”

Lukas 17:16

Eah is fannich Jesus sei fees kfalla un hott een gedankt. Nau dess voah en Samariddah.

Lukas 5:8

Avvah vo da Simon dess ksenna hott, is eah nunnah fannich Jesus sei gnee kfalla un hott ksawt, “Hah, gay vekk funn miah, fa ich binn en sindlichah mensh.”

Lukas 8:28

Vo eah Jesus ksenna hott, hott eah naus gegrisha, is fannich een nunnah kfalla, un hott ksawt mitt en laudi shtimm, “Vass hosht du zu du mitt miah, Jesus du Sohn Gottes fumm Alli-Haychshta? Ich hald oh bei diah es du mich nett gvaylsht un leida machsht.”

Johannes 4:19

Es veibsmensh hott no ksawt zu eem, “Ich sayn es du en brofayt bisht.

Di Apostelgeschichte 4:13

Vo di hohchen-preeshtah ksenna henn es da Petrus un da Johannes kshvetzt henn unni furcht dann voahra si fashtaund. Si henn gvist es si nett gland voahra im Ksetz un es si yusht kammeni leit voahra. Deich sell henn si fanumma es si bei Jesus gvest voahra.

5. Mosi 9:18

No binn ich viddah fannich da Hah kfalla vi's eahsht moll, fa fatzich dawk un necht. Ich habb kenn broht gessa un kenn vassah gedrunka veil diah so ksindicht katt hend. Diah hend evil gedu fannich em Hah un hend een fa'eiyaht.

Di Offenbarung 19:4

Di fiah un zvansich eldishti un di fiah levendichi diahra sinn no nunnah kfalla un henn Gott ohgebayda vo uf em kaynich-shtool kokt hott, un henn ksawt, “Amen. Halleluja!”

Di Offenbarung 5:8

Vo eah's buch gnumma katt hott, sinn di fiah levendichi diahra un di fiah un zvansich eldishti nunnah kfalla fannich's Lamm. Yaydah vann hott en harf katt un goldichi shisla foll insens. Dess sinn di gebaydah funn di saylicha.

1. Samuel 9:19

“Ich binn da saynah,” hott da Samuel ksawt. “Gay fannich miah nuff an da hohch blatz, veil du essa solsht mitt miah heit. Meiya free loss ich dich gay un ich sawk diah no alles es in dei hatz is.