1. Korinther 14:1 - Pennsylvania Dutch Bible

¹ Gaynd di leevi nohch. Un hend en eahnshtlichah falanga fa di geishtlichi kshenkah, avvah even may, falanget fa's kshenk fa broffetzeiya.

1. Korinther 14:1 ပူးပေါင်းရင်းမြစ်များ

Shpricha 15:9

Da vayk funn di gottlohsa is grauslich zumm Hah, avvah eah leebt selli es gerechtichkeit nohch gayn.

Shpricha 21:21

Selli es gerechtichkeit un bamhatzichkeit nohch gayn, zayla layva, gerechtichkeit un eah finna.

Jesoiya 51:1

“Heichet mich oh, diah es am gukka sind fa gerechtichkeit, un es am da Hah sucha sind. Gukket zumm felsa aus demm es diah kakt sind, un's loch es diah raus gegrawva voahret.

Römer 12:6

Miah henn awl unnahshidlichi kshenkah. Dee sinn gmessa bei di gnawt es gevva is zu uns. Vann ebbah's kshenk hott fa broffetzeiya, loss een broffetzeiya noch em dayl fumm glawva es eem gevva is.

Römer 14:19

So dann, vella di sacha nohch gay es fridda macha un vo nannah ufbauwa doon.

Römer 9:30

Vass sella miah dann sawwa? Miah sawwa es dee vo nett Yudda sinn un henn di gerechtichkeit nett ksucht, henn si nau grikt. Sell is, si henn di gerechtichkeit grikt deich da glawva,

1. Korinther 12:1

Nau veyyich geishtlichi kshenkah, leevi breedah, ich vill nett havva es diah ungland sind.

1. Korinther 12:31

Machet eich en eahnshtlichah falanga fa di beshta kshenkah havva. Avvah nau vill ich eich noch en bessahrah vayk veisa.

1. Korinther 13:13

Nau avvah bleibt da glawva, di hofning, un di leevi, dee drei; avvah's graysht funn dee is di leevi.

1. Korinther 13:2

Vann ich broffetzeiya kann, un awl di deefa sacha funn Gott fashtay kann, un habb grohsi eisicht, un vann ich grohsah glawva habb es ich berga moofa kann, un habb kenn leevi, dann binn ich goah nix.

1. Korinther 14:22

So dann, zunga sinn fa en zaycha, nett zu selli vo glawva, avvah zu selli vo nett glawva. Un broffetzeiya is nett fa di unglawvicha avvah fa selli vo glawva.

1. Korinther 14:37

Vann ennich ebbah maynd eah veah en brofayt adda eah veah geishtlich, loss een bekenna es dee sacha es ich eich shreib, di gebodda fumm Hah sinn.

1. Korinther 14:39

So, leevi breedah, falanget eahnshtlich fa broffetzeiya, un fabiddet nimmand fa shvetza in zunga.

1. Korinther 16:14

Losset alles es diah doond, gedu sei mitt leevi.

Epheser 1:3

Glohbt sei Gott un da Faddah funn unsahm Hah Jesus Christus, deah vo uns ksaykend hott in Christus mitt alli geishtlichi sayya in himlishi bletz.

1. Thessalonicher 5:20

Fa'achtet nett broffetzeiyunga,

1. Timotheus 4:14

Fa'acht dei kshenk nett es diah gevva voah deich broffetzeiya an di zeit vo di eldishti iahra hend uf dich glaykt henn.

1. Timotheus 5:10

See muss goot ohgedenkt sei, un ayni es goodi verka dutt. See soll en fraw sei es iahra kinnah ufgezowwa hott, es fremdi leit eignumma hott, es di glawvicha iahra fees gvesha hott, es selli kolfa hott vo in druvvel voahra, un es alli goodi verka gedu hott.

1. Timotheus 6:11

Avvah du, mann funn Gott, hald dich frei funn dee sacha. Gay di gerechtichkeit, di Gottheit, em glawva, di leevi, em geduld un di sanftmoot nohch.

2. Timotheus 2:22

Bleib vekk funn di lushtboahri sacha es yungi leit nohch gayn, avvah gay gerechtichkeit, glawva, leevi un fridda nohch, mitt selli vo da Hah ohroofa funn en rein hatz.

Hebräer 12:14

Machet fridda mitt awl mensha un seind heilich; unni heilichkeit zayld nimmand da Hah sayna.

2. Petrus 1:7

un zu en gettlich layva doond breedahlichi leevi ditzu, un zu breedahlichi leevi doond leevi fa awl mensha ditzu.

3. Johannes 1:11

Mei leeblichi, gaynd nett sellem nohch vass evil is, avvah sellem vass goot is. Deah vo dutt vass goot is, is funn Gott; deah vo dutt vass evil is, hott Gott nett ksenna.

1. Samuel 10:5

Noch sellem zaylsht du an da hivvel funn Gott in Gibeah kumma vo di Philishtah en greeks-camp henn. Vi du an di shtatt kumsht, zaylsht du en drubb brofayda ohdreffa es am runnah kumma sinn fumm hohcha blatz mitt grohsi un glenni harfa, un tambourines un flutes es am kshpeeld vadda sinn fannich eena un si zayla am broffetzeiya sei.