1. Korinther 13:4 - Pennsylvania Dutch Bible

⁴ Di leevi is geduldich un bamhatzich; see dutt nett fagunna adda braekka un sich ufblohsa;

1. Korinther 13:4 ပူးပေါင်းရင်းမြစ်များ

1. Mosi 30:1

Nau vo di Rachel ksenna hott es see kenn kinnah havva kann fa da Jakob, is see jealous vadda funn iahra shveshtah. No hott see ksawt zumm Jakob, “Gebb miah kinnah, adda ich shtaub.”

1. Mosi 37:11

Sei breedah voahra fagunshtlich diveyya, avvah sei daett hott dee sacha im di meind kalda.

Nehemia 9:17

Si henn's nett gedu fa heicha, un henn nett an dei vundahra gedenkt, selli es du gedu hosht unnich eena. Si voahra dikk-kebbich un henn sich en foah-gengah gmacht fa viddah zrikk in iahra gnechtshaft gay. Avvah du bisht en Gott es fagebt, du bisht gnaydich, bamhatzich un geduldich mitt shtandhaftichi-leevi; un du hosht si nett falossa.

Psalm 10:5

Sei vayya drayya immah goot aus; eah is grohs-feelich un dei gericht is veit vekk funn vass eah fashtayt; eah macht shpott funn sei feinda.

Shpricha 10:12

Da hass macht shtreit, avvah di leevi dekt awl unsah sinda zu.

Shpricha 13:10

Unnich di shtolsa is immah shtreit, avvah veisheit is kfunna bei selli es roht nemma.

Shpricha 17:14

Da ohfang funn shtreit is vi en damm am rinna, so shtobbet's eb's graysah vatt.

Shpricha 17:9

Veah letz gedu vattt un fagebt's, is am sucha fa leevi, avvah veah ohhald shvetza diveyya faliaht sei freind.

Shpricha 19:22

Vass leeblich is in en mensh is bamhatzichkeit; 'sis bessah fa oahm sei es vi en leeyah sei.

Shpricha 31:20

See macht iahra eahm uf zu di oahma, un langd iahra hend naus zu selli in noht.

Shpricha 31:26

See shvetzt mitt veisheit, un mitt bamhatzichkeit land see anri leit.

Breddichah 10:4

Vann en roolah bays vatt ivvah dich, bleib vo du bisht; ebbes oahrich letzes kann ivvah-kumma sei bei shtill bleiva.

Matthäus 27:18

Fa eah hott gvist es si Jesus ivvah-gedrayt henn zu eem fa auseeva.

Di Apostelgeschichte 7:9

Di foah-feddah henn fagunsht katt geyyich iahra broodah Joseph un henn een fakawft nivvah in Egypta, avvah Gott voah bei eem.

Römer 1:29

Si sinn foll vadda mitt alles ungerechtes, huahrahrei, ungettlichkeit, lusht, un shpeit. Si sinn foll fagunsht, maddahrei, shtreit, fafiahrahrei un gift. Si drawwa kshvetzah,

Römer 13:13

Vella uns ksheit ohshikka vi ma dutt deich da dawk, un nett fressa un saufa, nett aybrecha un lushta, nett shtreida un fagunna.

1. Korinther 3:3

fa diah sind alsnoch im nadiahlicha. Diveil es shpeit un en gezah unnich eich is, sind diah nett im nadiahlicha un am eich ohshikka vi nadiahlichi mensha?

1. Korinther 4:18

Samm sinn grohs-feelich un shikka sich oh es vann ich nett zu eich kumma dayt.

1. Korinther 4:6

Ich habb dee sacha ksawt, leevi breedah, es vann si veahra veyyich miah un em Apollos fa eich helfa. Dess is so es diah lanna kennet deich uns fa nimmand haychah uf hayva es vass kshrivva shtayt. No blohsa diah eich nett uf un nemmet ay mann ivvah da annah.

1. Korinther 5:2

Un sind diah alsnoch ufgeblohsa? Seddet diah nett leevah bedreebt sei, un da vann vo dee sacha gedu hott vekk gedu sei funn eich?

1. Korinther 8:1

Nau veyyich sacha vo gopfaht voahra zu abgettah: Miah vissa es alli-ebbah funn uns ebbes vayst. Feel visses blohst leit uf, avvah di leevi baut uf.

2. Korinther 12:20

Fa ich feicht fleicht vann ich moll kumm, finn ich eich nett vi ich eich havva vill, un diah finnet mich nett vi diah mich havva vellet. Ich feicht es zayld shtreit, fagunsht, zann, en gezah, unvoahret, kshvetzah, selvaht ufblohsa un ufruah sei.

2. Korinther 6:6

in sauvah layva, in eisicht, in geduld, in freindlichkeit, im Heilicha Geisht, in ufrichtichi leevi,

Galater 5:26

Losset uns nett eah-geitzich sei, adda nannah ufshtadda un nannah fagunna.

Epheser 4:2

Seind daymeedich un hayvet eich nett ovvich anri; seind geduldich un layvet mitt-nannah in leevi.

Epheser 4:32

Seind bamhatzich un vayyich-hatzich zu nannah; fagevvet nannah grawt vi Gott eich fagevva hott in Christus.

Philipper 1:15

Samm veiklich breddicha's Vatt aus fagunsht un shtreit, avvah anri aus en goodah villa.

Kolosser 1:11

Miah bayda es diah greftich vaddet mitt alli graft noch sei heilichi macht, so es diah mitt grohsi geduld un fraylichkeit

Kolosser 2:18

Losset nimmand es sich uf hald mitt falshi daymoot un en deensht funn di engel eich vekk fiahra funn eiyah betzawling. Dess sinn sacha es eah nett ksenna hott. So aynah blohst sich selvaht uf mitt sei nadiahlichi gedanka,

Kolosser 3:12

So es vi selli vo raus groofa sinn bei Gott, un vo heilich un leeblich sinn, doond eich oh mitt hatzlichi bamhatzichkeit, freindlichkeit, daymoot, sanftmoot un geduld.

1. Thessalonicher 5:14

Nau miah famohna eich, leevi breedah, es diah selli vanna doond vo faul sinn, drayshtet selli vo vennich moot henn, drawwet di shvacha, un seind geduldich mitt alli-ebbah.

1. Timotheus 6:4

sellah mann is ufgeblohsa un vayst nix. Eah vill di gans zeit viddahbat halda veyyich vadda, un dess bringd yusht fagunsht, shtreit, kshvetzah un shlechti fadrauwa.

2. Timotheus 2:25

Selli vo geyyich een sinn muss eah da recht vayk veisa mitt sanftmoot, fa Gott mecht eena di gleyyaheit gevva fa sich bekeahra un di voahheit bekenna.

2. Timotheus 3:10

Avvah du hosht mei lanning nohch kfolkt un vaysht vi ich mich uf drawk in meim layves-lawf. Du vaysht vass ich du vill un vaysht veyyich meim glawva, geduld, leevi, shtandhaftichkeit,

2. Timotheus 4:2

Breddich's Vatt, hald oh mitt eahnsht eb's shiklich is adda nett, un mach si sayna vo si letz sinn. Vann si un famohn si, un sei geduldich vi du si lansht.

Titus 3:3

Fa miah voahra aw moll unkshikt, unni veisheit un henn nett keicht. Miah voahra fafiaht un gnechta zu alli sadda lusht un blesiah. Miah henn glaybt in ungerechtichkeit un henn anri leit sacha fagund. Leit henn uns kast un miah henn nannah kast.

Jakobus 4:5

Denka diah di Shrift sawkt dee vadda fa nix, “Da geisht vo in eich is, hott en falanga fa fagunnish sei”?

1. Petrus 2:1

So vaddet lohs funn alles es evil is. Doond nimmi leit fafiahra un ohlossa diah sind ebbes es diah nett sind. Heahret uf leit fagunna un kshvetzah shtroiya veyyich eena.

1. Petrus 3:8

Un endlich, awl funn eich, seind aynich mitt-nannah, mitt-leidich fa nannah vi breedah sei sedda, un seind bamhatzich un freindlich unnich nannah.

1. Petrus 4:8

Un ovvich alli sacha, haldet en deefi leevi fa nannah, fa di leevi dekt feel sinda zu.

2. Petrus 1:7

un zu en gettlich layva doond breedahlichi leevi ditzu, un zu breedahlichi leevi doond leevi fa awl mensha ditzu.

1. Johannes 4:11

Diah leeblichi, vann Gott uns so gleebt hott, dann sedda miah aw nannah leeva.