1. Korinther 1:27 - Pennsylvania Dutch Bible

²⁷ Avvah vass dumhayda is zu di veld, sell hott Gott getshoost fa dee mitt veisheit sich shemma macha, un vass shvachheit is zu di veld, sell hott Gott getshoost fa di shteika sich shemma macha.

1. Korinther 1:27 ပူးပေါင်းရင်းမြစ်များ

Psalm 8:2

Aus di meilah funn kinnah un glenni boblen, hosht du macht zugricht geyyich selli es geyyich dich sinn, so es dei feinda un selli es ayva kumma vella shtill sei missa.

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

Jesoiya 29:19

Di daymeedicha zayla sich viddah froiya im Hah, un di oahma unnich di leit zayla sich froiya in em Heilicha funn Israel.

Jesoiya 44:25

deah es di voah-sawwah zaycha zu nix bringd, un di zaubahrah dumm gukka macht, deah es di mennah mitt veisheit zrikk drayt, un iahra veisheit zu dumheit drayt,

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Zephania 3:12

Ich loss selli datt in di mitt funn diah es sich daymeedich un niddah hayva, selli es em Hah sei nohma drauwa.

4. Mosi 22:30

Da aysel hott no ksawt zumm Bileam, “Binn ich nett dei aysel es du immah gridda hosht biss heit? Habb ich gvaynlich als dess gedu zu diah?” Eah hott ksawt, “Nay.”

Matthäus 11:25

An selli zeit hott Jesus gebayda un hott ksawt, “Ich dank dich, Faddah un Hah fumm Himmel un di eaht, es du dee sacha zrikk kalda hosht funn dee vo veisheit henn un gland sinn, un hosht si gvissa zu denna vo sinn vi kinnah.

Matthäus 21:16

Un si henn ksawt zu eem, “Heahsht du vass dee am sawwa sinn?” Un Jesus hott ksawt zu eena, “Yau, hend diah nee nett glaysa, ‘Aus em maul funn kinnah un glenni boblen hosht du lohb kshaft’?”

Matthäus 9:9

Vo Jesus vekk ganga is funn datt hott eah en mann ksenna es Matthäus kaysa hott am tax-blatz hokka. Jesus hott ksawt zu eem, “Kumm miah nohch.” Un da Matthäus is ufkshtanna un is Jesus nohch ganga.

Lukas 21:15

Fa ich gebb eich veisheit, un du di vadda in eiyah meilah so es selli vo geyyich eich sinn, un eich viddah-shtand gevva, nett falaykla kenna vass diah sawwet.

Di Apostelgeschichte 17:18

No henn samm philosophahs funn di Eppikurah un di Shtohwiks, gmauld mitt eem. Samm henn ksawt, “Vass vill deah dumm Yutt sawwa?” Anri henn ksawt, “Eah vill uns sawwa funn neiyi gettah,” veil eah Jesus un di uffashtayung gebreddicht hott zu eena.

Di Apostelgeschichte 7:35

Deah Mosi, deah vo si falaykeld henn, un henn ksawt, ‘Veah hott dich en ivvah-saynah un richtah gmacht?’ deah saym mann hott Gott kshikt fa en ivvah-saynah un frei-drayyah sei deich di hand fumm engel vo eah ksenna hott im hekka-putsha.

Di Apostelgeschichte 7:54

Vo di eldishti un preeshtah dee sacha keaht henn, sinn si innahlich bays vadda, un henn di zay zammah gebissa veyyich eem.

1. Korinther 1:20

Vo is da mann es veisheit hott? Vo is da shrift-geleahrah? Vo is da viddahbat-haldah funn di veld? Hott nett Gott di veisheit funn di veld zu dumhayda gmacht?

1. Korinther 1:21

Fa siddah es in di veisheit funn Gott, di veld in iahra veisheit Gott nett vissa hott kenna, dann voah's Gott leeblich fa selli saylich macha vo glawva deich's gebreddich, dess vass di veld dumhayda hayst.

1. Korinther 2:12

Nau miah henn nett da geisht funn di veld ohgnumma, avvah da Geisht vo funn Gott is. Dess is so es miah vissa kenna vass uns gevva is funn Gott.

2. Korinther 10:10

Fa si sawwa, “Sei breefa sinn shveah un greftich, avvah vann eah leiblich dibei is, is eah shvach un sei kshvetz brauch ma nett achta.”

2. Korinther 4:7

Avvah miah henn dee keshtlicha sacha in eahdichi ksharra, so es di unbegreiflich graft kumd funn Gott, un nett funn uns.

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?