1. Korinther 1:19 - Pennsylvania Dutch Bible

¹⁹ Fa's is kshrivva, “Ich vill zu nix macha di veisheit funn selli vo veisheit henn, un ich bring zu nix da fashtand funn selli vo fashtand henn.”

1. Korinther 1:19 ပူးပေါင်းရင်းမြစ်များ

Jesoiya 19:11

Di evvahshti funn Zoan sinn nett oahrich ksheit, un em Pharao sei grohsi roht-gevvah, gevva dummah roht. Vi kansht du sawwa zumm Pharao, “Ich binn en mann mitt veisheit, un kumm funn di alda kaynicha heah”?

Jesoiya 19:3

Di Egyptah zayla moot faliahra, un vass si ausmacha fa du bring ich zu nix; si frohwa roht funn iahra abgettah, di geishta funn di dohda, un funn voah-sawwah un zaubahrah.

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

Jeremia 10:7

Veah soll dich nett firchta, oh Kaynich funn di heida? Du bisht's veaht. Unnich awl di heida iahra mennah mitt veisheit, un unnich awl iahra kaynich-reicha, hott's nimmand vi dich.

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

1. Korinther 3:19

Fa di veisheit funn deahra veld is vi dumhayda zu Gott. Fa's is kshrivva, “Eah fangd dee mitt veisheit in iahra aykni shlichtheit.”

1. Korinther 4:10

Miah sinn vi narra fa da sayk funn Christus, avvah diah hend veisheit deich Christus. Miah sinn shvach avvah diah sind shteik. Diah sind hohch ohksenna, avvah miah sinn fa'acht.

1. Korinther 4:6

Ich habb dee sacha ksawt, leevi breedah, es vann si veahra veyyich miah un em Apollos fa eich helfa. Dess is so es diah lanna kennet deich uns fa nimmand haychah uf hayva es vass kshrivva shtayt. No blohsa diah eich nett uf un nemmet ay mann ivvah da annah.