1. Kaynicha 6:38 - Pennsylvania Dutch Bible

³⁸ Un im elfta yoah funn seim reich, im achta moonet Bul, voah da tempel faddich gmacht grawt vi eah sei hott sella. Es hott da Solomon sivva yoah gnumma fa da tempel bauwa.

1. Kaynicha 6:38 ပူးပေါင်းရင်းမြစ်များ

1. Kaynicha 6:1

Im fiah hunnaht un achtzaysht yoah noch demm es di Israeliddah aus Egypta kumma sinn, im fiaht yoah fumm Solomon sei kaynich-reich ivvah Israel, im moonet Siv—sell is da zvett moonet fumm yoah—hott eah ohkfanga da tempel fumm Hah bauwa.

1. Kaynicha 6:14

So hott da Solomon faddich gmacht da tempel bauwa.

1. Kaynicha 6:37

Im fiahda yoah fumm Solomon sei kaynich-reich, im moonet Siv, voah di mavvah glaykt fa da tempel bauwa.

1. Kaynicha 6:9

So hott eah faddich gmacht da tempel bauwa. Eah hott di ceiling gmacht mitt cedar balka un blanka.

1. Kaynicha 7:1

Da Solomon hott sich no en kaynich-haus gebaut, un's hott dreitzay yoah gnumma.

1. Kaynicha 9:10

Am end funn di zvansich yoah es da Solomon di zvay heisah gebaut katt hott—da tempel fumm Hah un's kaynich-haus—

1. Chronik 28:19

Da Dawfit hott ksawt, “Awl dess voah miah gevva zu fashtay in shreives bei di hand fumm Hah uf miah, so es alles auskshaft vatt noch demm foah-bild shreives.”

1. Chronik 28:20

No hott da Dawfit ksawt zu seim boo da Solomon, “Sei shteik un gedrohsht, un richt dess aus. Feich dich nett, un faliah nett moot, fa Gott da Hah, mei Gott, is mitt diah. Eah lost dich nett nunnah un falost dich nett biss du awl di eahvet gedu hosht fa da deensht im Hah sei haus.

2. Chronik 8:1

Noch di zvansich yoah es da Solomon da tempel fumm Hah un sei ayya haus gebaut hott,

2. Chronik 8:16

Em Solomon sei eahvet voah alles ausgedrawwa, fumm dawk es da fuddah glaykt voah biss da tempel fumm Hah faddich voah. Un so voah da tempel fumm Hah faddich gmacht.

Ezra 5:11

Dess is vass si uns ksawt henn: ‘Miah sinn di gnechta funn da Gott fumm himmel un di eaht, un miah sinn am da tempel ivvah bauwa es gebaut voah yoahra zrikk bei ayns funn Israel iahra grayshti kaynicha.

2. Mosi 39:32

So voah endlich awl di eahvet fumm tempel-tent un aw da fasammling tent faddich gmacht. Di Kinnah-Israel henn alles gedu grawt vi da Hah em Mosi di gebodda gevva katt hott.

2. Mosi 39:42

Di Kinnah-Israel henn awl selli eahvet gedu grawt vi da Hah da Mosi gebodda katt hott.

2. Mosi 39:43

Da Mosi hott di eahvet ivvah-gegukt, un hott ksenna es si's gedu katt henn grawt vi da Hah gebodda hott. No hott da Mosi si ksaykend.

Sacharia 4:9

“Di hend fumm Serubabel henn di mavvah zu demm tempel glaykt; sei hend zayla's aw faddich macha. No zaylet diah vissa es da Awlmechtich Hah mich zu eich kshikt hott.

Johannes 2:20

No henn di Yudda ksawt, “Es hott sex un fatzich yoah gnumma fa deah tempel bauwa, un du sawksht du kansht en uf shtella in drei dawk?”