1. Kaynicha 3:6 - Pennsylvania Dutch Bible

⁶ Da Solomon hott ksawt, “Du hosht grohsi bamhatzichkeit gvissa zu deim gnecht, mei faddah da Dawfit, veil eah fannich diah gloffa is in voahheit, gerechtichkeit un en ufrichtich hatz. Un deich dei shtandhaftichi-leevi hosht du eem en sohn gevva es uf seim kaynich-shtool hokt heit.

1. Kaynicha 3:6 ပူးပေါင်းရင်းမြစ်များ

1. Mosi 24:40

Eah hott ksawt zu miah, ‘Da Hah, fannich demm es ich lawf, eah shikt sei engel fannich diah heah fa alles ausrichta uf deim vayk. Un deich dess kansht du en fraw greeya fa mei boo funn mei aykni freindshaft un funn mei faddah sei haus.

2. Samuel 22:21

Grawt vi gerecht es ich voah, so oahrich hott da Hah kshaft mitt miah, vi sauvah es mei hand voah, so oahrich hott eah mich zrikk betzawld.

2. Samuel 22:25

Da Hah hott mich betzawld fa vi gerecht es ich voah, fa vi sauvah es ich voah fannich eem.

2. Samuel 7:5

“Gay un sawk meim gnecht da Dawfit, ‘Dess is vass da Hah sawkt: Bisht du da vann fa miah en haus bauwa es ich drinn voona kann?

1. Kaynicha 1:48

Eah hott ksawt, ‘Glohbt sei da Hah, da Gott funn Israel, deah es mich alawbt hott fa sellah sayna es uf meim kaynich-shtool hokt heit.’”

1. Kaynicha 15:5

Fa da Dawfit hott gedu katt vass recht voah im Hah sei awwa un hott immah em Hah sei gebodda kalda sei layva lang—avvah yusht nett mitt di sach fumm Uriah da Hethiddah.

1. Kaynicha 2:4

Du dess so es da Hah sei vatt hald es eah fashprocha hott zu miah; naymlich, ‘Vann dei boova acht gevva vi si layva un shtandhaftich fannich miah lawfa mitt iahra gans hatz un sayl, dann zayld immah ayns funn dei nohch-kummashaft uf em kaynich-shtool funn Israel sei.’

1. Kaynicha 3:14

Un vann du in mei vayya lawfsht, un haldsht mei adninga un gebodda vi dei faddah da Dawfit hott, dann gevvich diah en lang layva.”

1. Kaynicha 9:4

Un fa dich, vann du fannich miah lawfsht vi dei faddah da Dawfit gloffa is, mitt en ufrichtich un eahlich hatz, un haldsht mei gebodda, adninga un zeiknisa,

2. Kaynicha 20:3

“Meindsht du, oh Hah, vi ich shtandhaftich gloffa binn fannich diah mitt en folkumma hatz un habb gedu vass diah kfellich voah?” Un da Hiskia hott biddahlich keild.

2. Chronik 1:8

Da Solomon hott ksawt zu Gott, “Du hosht grohsi bamhatzichkeit gvissa zu meim faddah, da Dawfit, un hosht mich kaynich gmacht in seim blatz.

Psalm 116:7

Gay zrikk zu dei roo, mei sayl, fa da Hah voah goot zu diah.

Psalm 119:17

Sei goot zu miah, dei gnecht, so es ich layb un dei vatt halda du.

Psalm 13:6

Ich sing zumm Hah, veil eah so goot voah zu miah.

Psalm 15:2

Sellah es unshuldich is, un dutt vass recht is. Sellah es di voahret sawkt fumm hatz.

4. Mosi 12:7

Avvah dess is nett so mitt meim gnecht Mosi, eah is shtandhaftich mitt meim gans haus.

2. Korinther 9:11

Diah vaddet reich gmacht in alli ding so es diah geahn gevva kennet an alli zeit, un deich uns shaft dess no aus es Gott gedankt vatt.

2. Korinther 9:5

So habb ich gmaynd's veah nohtvendich fa di breedah famohna es si fanna heah gayn zu eich, un seahsht rishta fa eiyah kshenk vass diah fashprocha hend. Sellah vayk veah's no gevva es en frei-villich kshenk un veah nett gevva mitt geitz.