1. Kaynicha 3:14 - Pennsylvania Dutch Bible

¹⁴ Un vann du in mei vayya lawfsht, un haldsht mei adninga un gebodda vi dei faddah da Dawfit hott, dann gevvich diah en lang layva.”

1. Kaynicha 3:14 ပူးပေါင်းရင်းမြစ်များ

1. Kaynicha 11:34

Avvah ich nemm nett's gans kaynich-reich aus em Solomon sei hand. Ich mach een roolah sei layva lang, fa di sayk fumm Dawfit mei gnecht, es ich groofa habb un es mei adnunga un gebodda kalda hott.

1. Kaynicha 15:5

Fa da Dawfit hott gedu katt vass recht voah im Hah sei awwa un hott immah em Hah sei gebodda kalda sei layva lang—avvah yusht nett mitt di sach fumm Uriah da Hethiddah.

1. Kaynicha 3:3

Da Solomon hott da Hah leeb katt, un is gloffa in di adninga funn sei faddah da Dawfit. Avvah eah hott alsnoch opfahra gmacht un insens gebrend uf di hohcha-bletz.

1. Kaynicha 3:6

Da Solomon hott ksawt, “Du hosht grohsi bamhatzichkeit gvissa zu deim gnecht, mei faddah da Dawfit, veil eah fannich diah gloffa is in voahheit, gerechtichkeit un en ufrichtich hatz. Un deich dei shtandhaftichi-leevi hosht du eem en sohn gevva es uf seim kaynich-shtool hokt heit.

1. Chronik 28:7

Ich zayl sei kaynich-reich ufhokka fa'immah, vann eah ohhald mei gebodda un adninga ausdrawwa vi eah dutt nau.’

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

2. Chronik 29:2

Eah hott gedu vass recht voah zumm Hah, grawt vi sei foah-faddah da Dawfit gedu katt hott.

2. Chronik 34:2

Eah hott gedu vass recht voah zumm Hah un is gloffa in di vayya funn seim foah-faddah da Dawfit. Eah is nett vekk gedrayt, nett rechts adda lings.

Psalm 132:12

Vann dei boova mei bund halda, un mei zeiknisa es ich si lanna zayl, no doon iahra boova aw uf deim kaynich-shtool hokka fa'immah.”

Psalm 21:4

Eah hott dich kfrohkt fa layva, un du hosht eem's gevva, en lang layva, fa'immah un immah.

Psalm 21:5

Sei hallichkeit is grohs deich dei hilf, du hosht eem hohchi kaynich-eah gevva.

Psalm 91:16

Ich zayl een zufridda macha mitt en lang layva, un zayl eem mei saylichkeit veisa”.

Shpricha 3:16

Lang layva is in di veisheit iahra rechtsi hand, un in iahra lingsi hand is reichheit un eah.

Shpricha 3:2

Fa si zayla diah en lang layva, langi yoahra, un fridda bringa.

Sacharia 3:7

“Dess is vass da Awlmechtich Hah sawkt: ‘Vann du in mei vayya lawfsht un mei deensht ausdrawksht, dann solsht du foah gay in meim haus un in mei courts, un ich gebb diah's recht fa shvetza mitt selli es do shtayn.

Di Apostelgeschichte 13:22

Un vo Gott da Saul vekk gedu hott, hott eah da Dawfit kaynich gmacht, un hott ksawt veyyich eem, ‘Ich habb da Dawfit kfunna. Eah is em Jesse sei boo, un is psunna noch meim ayya hatz. Eah zayld du vass ich havva vill.’

5. Mosi 25:15

Diah misset folli un eahlichi gvichtah havva, un eahlich raus messa, so es diah lang layvet im land es da Hah eiyah Gott am eich gevva is.

5. Mosi 5:16

Eahret eiyah faddah un muddah, so vi da Hah eiyah Gott eich gebodda hott. Dess is so es diah lang layvet un es es goot gayt mitt eich im land es da Hah eiyah Gott am eich gevva is.

5. Mosi 5:33

Lawfet in alli vayya grawt vi da Hah eiyah Gott eich gebodda hott so es diah layva kennet; un so es es goot gayt fa eich un es diah lang layvet im land es diah ivvah-nemma zaylet.

1. Timotheus 4:8

Es dutt samm goot fa's nadiahlich leib shaffa un's ksund halda, avvah di Gottheit in uns is goot in alli veyya, veil dess en fashpreching haybt fa dess layva un's nekshta.