1. Kaynicha 22:11 - Pennsylvania Dutch Bible

¹¹ Da Zedekia, em Kenaena sei boo, hott eisichi hanna gmacht katt un hott ksawt, “Dess is vass da Hah sawkt: ‘Mitt dee zaylsht du di Aramayah deich shtecha biss nix may ivvahrich is.’”

1. Kaynicha 22:11 ပူးပေါင်းရင်းမြစ်များ

1. Kaynicha 22:12

Awl di anra brofayda henn aw so gebroffetzeit, un henn ksawt, “Gaynd un fechtet Ramoth-Gilead un nemmet's ivvah. Da Hah zayld's im kaynich sei hand gevva.”

1. Kaynicha 22:24

No is em Kenaena sei boo, da Zedekia, nuff ganga un hott em Micha uf da bakka kshlauwa, un hott ksawt, “Vee is em Hah sei geisht aus miah ganga fa shvetza zu diah?”

Jeremia 23:16

Dess is vass da Awlmechtich Hah sawkt: “Doond nett abheicha vass di brofayda am broffetzeiya sinn zu eich; si filla eich mitt falshi hofning. Si shvetza veyyich sacha aus iahra aykni gedanka, es nett aus em maul fumm Hah kumma.

Jeremia 23:17

Si halda oh sawwa zu selli es mich nett gleicha, ‘Da Hah sawkt: Diah zaylet fridda havva.’ Un zu awl selli es iahra fashtokti hatza nohch gayn sawwa si, ‘Es gebt nix shlechtes zu eich.’

Jeremia 23:25

“Ich habb keaht vass di brofayda sawwa. Dee es leeya broffetzeiya in meim nohma un sawwa, ‘Ich habb gedrohmd! Ich habb gedrohmd!’

Jeremia 23:31

Yau,” sawkt da Hah, “Ich binn geyyich di brofayda es iahra aykni vadda sawwa un sawwa no, ‘So sawkt da Hah.’

Jeremia 27:2

Dess is vass da Hah ksawt hott zu miah: “Mach en yoch aus leddah shtraebs un shtikkah hols un henk's an dei hals.

Jeremia 29:21

Dess is vass da Awlmechtich Hah, da Gott funn Israel, sawkt veyyich em Ahab, em Kolaia sei boo, un veyyich em Zedekia, em Maaseia sei boo, dee es am leeya broffetzeiya sinn zu eich in meim nohma: “Ich zayl si ivvah-drayya zumm Nebukadnezar, da kaynich funn Babylon, un eah zayld si doht macha grawt fannich eiyah awwa.

Daniel 8:4

Ich habb da shohf-bokk gvatsht vi eah kshprunga is geyyich di west, natt un saut, un hott kshtohsa mitt sei hanna. Kenn annah diah hott ufshtay kenna geyyich een, adda aus di kfoah funn sei macht bleiva kenna. Eah hott gedu vi eah hott vella un hott sich selvaht grohs gmacht.

Micha 3:11

Iahra evvahshti nemma geld hinna rumm, iahra preeshtah vadda betzawld fa leit lanna, un iahra brofayda broffetzeiya fa geld. Avvah doch falossa si sich uf da Hah un sawwa, “Is da Hah nett unnich uns? Nix shlechtes zayld uf uns kumma.”

Di Apostelgeschichte 21:11

Eah hott's shtikk leddah gnumma vo da Paulus um sich rumm gvoahra hott, un hott sei aykni hend un fees zammah gebunna. No hott eah ksawt, “Dess is vass da Heilich Geisht sawkt, ‘Da mann vo dess leddah aykend, zayld so gebunna vadda bei di Yudda funn Jerusalem un zayld ivvah-gevva vadda zu di Heida.’”

5. Mosi 33:17

Sei hallichkeit is vi en eahsht-geboahranah bull, sei hanna sinn vi di hanna funn en vildah ox; mitt di hanna shtohst eah di heida, even so veit vekk es es veld end. Sei hanna sinn di dausends fumm Manasse, un di zeyya dausends fumm Ephraim.”

2. Timotheus 3:8

Vi da Jannes un da Jambres geyyich da Mosi kshtanna henn, so doon dee leit geyyich di voahheit shtay. Si sinn leit mitt fagifti gedanka un en falshah glawva.