1. Kaynicha 21:25 - Pennsylvania Dutch Bible

²⁵ (Es voah nee nimmand es sich fakawft hott fa evil du im Hah sei awwa vi da Ahab—un dess bei sich fashtifta lossa bei di Jesebel, sei fraw.

1. Kaynicha 21:25 ပူးပေါင်းရင်းမြစ်များ

1. Kaynicha 16:25

Avvah da Omri hott evil gedu im Hah sei awwa, un hott veeshtah ksindicht es selli henn es fannich eem voahra.

1. Kaynicha 18:18

“Ich habb nett druvvel gmacht fa Israel,” hott da Elia ksawt. “Avvah du un dei faddah sei family hend. Diah hend em Hah sei gebodda falossa un sind di Baals nohch ganga.

1. Kaynicha 18:4

Diveil es di Jesebel am em Hah sei brofayda doht macha voah, hott da Obadia en hunnaht brofayda fashtekkeld in zvay felsa-lechah, fuftzich in yaydah loch, un hott eena als ess-sach un vassah gebrocht.)

1. Kaynicha 19:2

No hott di Jesebel dess vatt kshikt zumm Elia, “Di gettah sella mich shtrohfa, un may, vann bei dess zeit meiya ich dei layva nett mach vi ayns funn eena.”

1. Kaynicha 21:20

No hott da Ahab ksawt zumm Elia, “So du hosht mich kfunna, mei feind.” “Ich habb dich kfunna,” hott da Elia ksawt, “veil du dich fakawft hosht fa evil du im Hah sei awwa.

1. Kaynicha 21:7

Sei fraw di Jesebel hott ksawt, “Is dess vi du dich ohshikka setsht es da kaynich funn Israel? Shtay uf, ess un sei fraylich. Ich grikk diah da vei-goahra fumm Naboth, da Jesreeliddah.”

1. Kaynicha 22:52

Eah hott evil gedu im Hah sei awwa, veil eah gloffa is in di vayya funn sei daett un maemm, un in di vayya fumm Jerobeam, em Nebat sei boo, deah es Israel gmacht hott sindicha.

1. Kaynicha 22:53

Eah hott da Baal gedeend un ohgebayda, un hott em Hah, da Gott funn Israel, sei zann ufkshtatt, grawt vi sei daett gedu katt hott.

2. Kaynicha 17:17

Si henn iahra boova un mayt fabrend fa opfahra uf em feiyah. Si henn hexahrei un zaubahrei gedrivva un henn sich fakawft fa evil du im Hah sei awwa, un dess hott een fazand.

2. Kaynicha 23:25

Es voah kenn kaynich fannich eem es zumm Hah gedrayt is mitt sei gans hatz un sayl un graft fa's gans Ksetz Mosi halda. Un's voah aw kenn kaynich vi eah voah siddah een.

2. Kaynicha 9:22

Vo da Joram da Jehu ksenna hott, hott eah kfrohkt, “Bisht du kumma in fridda, Jehu?” Eah hott ksawt, “Vee kann's fridda havva, so lang es di abgettahrei un zaubahrei funn dei maemm di Jesebel noch am ohgay is?”

2. Kaynicha 9:34

Da Jehu is no nei ganga, hott gessa un gedrunka. No hott eah ksawt, “Gevvet acht uf selli faflucht fraw, un fagrawvet see, fa see is en kaynichs-maydel.”

Nehemia 13:26

Voah's nett deich sacha vi dess es da Solomon, da kaynich funn Israel, ksindicht hott? Es voah kenn kaynich vi een unnich di feel heida. Eah voah beleebt bei sei Gott, un Gott hott een kaynich gmacht ivvah gans Israel. Avvah even eah voah in sinda nei kfiaht bei ausahri veibsleit.

2. Mosi 34:16

Un vann du funn iahra mayt nemsht fa veivah fa eiyah boova, un selli mayt lawfa iahra gettah nohch, dann macha si dei boova aw iahra gettah nohch lawfa.

Shpricha 22:14

Es maul funn en huah is vi en deef loch, sellah es Gott zannich is mitt fald datt nei.

Breddichah 7:26

Ich habb dess auskfunna: May biddah es da doht, is es veibsmensh es en hatz hott vi en fall un fang-nets, un hend hott vi kedda. Veah Gott kfellich is kumd vekk funn iahra, avvah da sindah vatt kfanga bei iahra.

Jesoiya 50:1

Dess is vass da Hah sawkt: “Vo sinn eiyah maemm iahra divorce babiahra, selli es ich gyoost habb fa see fatt shikka? Adda zu vemm habb ich eich fakawft es ich in di shuld voah? Gukket moll, es voah deich eiyah sinda es diah fakawft voahret; un eiyah maemm voah fatt kshikt deich eiyah ivvah-dreddes.

Jesoiya 52:3

Dess is vass da Hah sawkt: “Du voahsht fakawft fa nix un du vasht frei gmacht unni geld.”

Di Apostelgeschichte 14:2

Avvah di Yudda es nett geglawbt henn, henn di Heida ufkshtatt un gmacht es si shlechti kfeelah katt henn geyyich di breedah.

Di Apostelgeschichte 6:12

Dess hott di leit uf kshtatt. No sinn di eldishti un di shrift-geleahrah uf een kumma. Si henn een gnumma, un henn een fannich di Yudda iahra Council gebrocht.

Römer 6:19

Ich muss shvetza in en menshlichah vayk veil diah shvach sind im nadiahlicha. Grawt vi diah eich als ivvah-gevva hend zu unreinichkeit un funn ay ungerechtichkeit zu di annah, so nau, gevvet eich ivvah fa gerechtichkeit deena, dess vass eich heilich macht.

Römer 7:14

Miah vissa es es Ksetz geishtlich is, avvah ich binn en nadiahlichah mensh, un binn fakawft unnich sinda.

Di Offenbarung 2:20

Avvah ich habb ebbes geyyich dich veil du selli fraw, di Jesebel—dee vo sich en brofayt-fraw hayst—losht mei gnechta lanna, un si fafiahra in huahrahrei un in abgott-opfah flaysh essa.