1. Kaynicha 2:6 - Pennsylvania Dutch Bible

⁶ In dei veisheit du vi du's besht denksht, avvah loss sei grohwi hoah nett in's grawb gay in fridda.

1. Kaynicha 2:6 ပူးပေါင်းရင်းမြစ်များ

1. Mosi 42:38

Avvah da Jakob hott ksawt, “Mei boo zayld nett nunnah gay mitt diah. Sei broodah is doht un eah laynich is ivvahrich. Vann's ennich ebbes gebt mitt eem uf em vayk es diah gay zaylet, dann bringsht du mei grohwah kobb in's grawb mitt dreebsawl.”

1. Mosi 9:5

Un veiklich, ich foddah shuldichkeit fa eiyah layves-bloot. Vann en diah en mensh doht macht, dann foddah ich demm diah sei layves-bloot. Un so aw mitt mensha, vann en mann en anra mann, deah vo sei broodah is, doht macht, dann foddah ich sei layves-bloot.

1. Mosi 9:6

Veah-evvah es mensha-bloot fageest, bei em mensh soll sei bloot fagossa sei. Fa Gott hott da mensh in sei aykni gleichnis gmacht.

2. Samuel 3:39

Avvah heit, even vann ich ksalbt binn fa kaynich sei, doch binn ich shvach im hatz. Dee boova funn di Zeruia sinn zu hatt-hatzich fa mich. Loss da Hah selli evil-shaffah zrikk betzawla fa's evil es si gedu henn.”

1. Kaynicha 2:7

Veis bamhatzichkeit zumm Barsillai sei boova funn Gilead, un loss si an deim dish essa. Si henn miah bei-kshtanna vo ich am shpringa voah funn deim broodah da Absalom.

1. Kaynicha 2:9

Avvah nau, nemm een nett fa unshuldich sei. Du bisht en mann mitt veisheit, un vaysht vass du du solsht zu eem. Bring sei grohwi hoah nunnah in's grawb mitt bloot.”

1. Kaynicha 3:12

dann zayl ich du vass du kfrohkt hosht difoah. Ich gebb diah en hatz mitt fashtand un veisheit, so es nee nimmand gvest voah vi du, un aw nee nimmand sei zayld.

2. Kaynicha 22:20

Fasell zayl ich dich zu dei foah-feddah bringa un du zaylsht fagrawva vadda in fridda. Dei awwa zayla nett di shreklicha sacha sayna es ich uf deah blatz bringa zayl.’” Si henn no em kaynich awl dess ksawt.

Psalm 37:37

Nemm acht fumm unshuldicha mann, un vatsh sellah es eahlich is. Fa da mann mitt fridda zayld nohch-kummashaft havva.

Shpricha 20:26

En kaynich mitt veisheit sift di ungettlicha raus, un eah dreibt's dresha-rawt ivvah si.

Shpricha 28:17

Ebbah es mensha-bloot shuldich is, zayld sich fashtekkeld halda biss an's grawb; loss nimmand eem helfa.

Breddichah 8:11

Vann di shtrohf fa en evil ding nett kshvind ausgedrawwa vatt, dann vadda di hatza funn mensha folshtendich ksetzt fa evil du.

Jesoiya 48:22

“Avvah fa di gottlohsa, hott's kenn fridda,” sawkt da Hah.

Jesoiya 57:2

Selli es ufrichtich lawfa, zayla fridda havva; si finna roo im dohdes-bett.

Jesoiya 57:21

“Es hott kenn fridda,” sawkt mei Gott, “fa di gottlohsa.”

Jesoiya 65:20

Es zayla kenn kinnah datt sei es yusht poah dawk layva, adda aldi leit es iahra yoahra nett folfilla; selli es en hunnaht yoah ald vadda, vadda gnumma es yungi leit. Selli es shtauva eb en hunnaht, vadda gnumma es fadamd.

4. Mosi 35:33

Machet's land nett unrein vo diah voonet. Fagossa bloot macht's land unrein, un's land kann nett frei gmacht sei funn fagossa bloot unni deich's bloot funn sellah es es fagossa hott.