1. Kaynicha 2:44 - Pennsylvania Dutch Bible

⁴⁴ Da kaynich hott aw ksawt zumm Simei, “Du vaysht in deim hatz awl's letzes es du gedu hosht zu meim faddah da Dawfit. Nau zayld da Hah dich zrikk betzawla fa awl di letza sacha es du gedu hosht.

1. Kaynicha 2:44 ပူးပေါင်းရင်းမြစ်များ

1. Kaynicha 2:43

Favass hosht du dann nett kalda vass du kshvoahra hosht zumm Hah un gedu vass ich dich gebodda habb?”

2. Kaynicha 11:1

Vo em Ahasia sei maemm, di Athalia, ksenna hott es iahra boo doht voah, is see uf un hott awl selli doht gmacht es in di kaynich-family voahra.

2. Kaynicha 11:12

Da Joiada hott em kaynich sei boo raus gebrocht un hott da krohn uf een gedu. Eah hott eem's zeiknis-buch gevva un hott een da kaynich gmacht. Si henn een ksalbt un di leit henn iahra hend zammah kshlauwa un henn gegrisha, “En lang layva zumm kaynich!”

Psalm 109:20

Loss dess di betzawling fumm Hah sei zu selli es mich pshuldicha, zu selli es evil shvetza geyyich mich.

Psalm 7:16

Sei dumhayda kumma zrikk uf sei ayknah kobb, sei unfashtand kumd runnah uf een selvaht.

Shpricha 5:22

Di sinda funn en gottlohsah mann fanga een, un eah vatt kohva mitt di shtrikk funn sei sinda.

Ezekiel 17:19

So dess is vass da Awlmechtich Hah sawkt: ‘So shuah es ich layb, zayl ich een shuldich hayva fa sell fa'achta es eah kshvoahra hott ditzu un mei bund es eah gebrocha hott.

Hosea 4:9

Es soll sei mitt di leit vi mitt di preeshtah. Ich zayl si awl zvay shtrohfa fa iahra vayya, un si zrikk betzawla fa vass si doon.

Johannes 8:9

Vo si dess keaht henn, un voahra gedroffa im hatz, sinn si ohkfanga naus gay ayns noch em anra, funn di eldshta on nunnah biss si awl draus voahra es vi Jesus un's veibsmensh vo datt kshtanna hott.

Römer 2:15

Si veisa es di sacha fumm Ksetz uf iahra hatza kshrivva sinn, un iahra innahlichi gedanka gevva aw zeiya ditzu. Iahra gedanka doon si alsamohl fadamma, un alsamohl frei macha.

1. Johannes 3:20

Avvah vann unsah hatza uns fadamma doon, Gott is graysah vi unsah hatza un eah vayst alli sacha.

1. Samuel 25:39

Vo da Dawfit keaht hott es da Nabal doht voah, hott eah ksawt, “Glohbt sei da Hah. Eah hott da Nabal zrikk betzawld fa mich faniddahra. Eah hott sei gnecht kalda funn letz du un hott em Nabal sei evil uf sei ayknah kobb gebrocht.” No hott da Dawfit vatt kshikt zu di Abigail, un hott see kfrohkt fa een heiyahra.