1. Kaynicha 2:19 - Pennsylvania Dutch Bible

¹⁹ Vo di Bathsheba nei ganga is zumm Kaynich Solomon fa shvetza zu eem fa da Adonia, is da kaynich ufkshtanna fa see ohdreffa. Eah hott sich nunnah gebikt zu iahra un hott sich no uf sei kaynich-shtool kokt. No hott eah en shtool rei bringa glost fa em kaynich sei maemm un see hott sich uf sei rechtsi seit kokt.

1. Kaynicha 2:19 ပူးပေါင်းရင်းမြစ်များ

1. Mosi 48:12

No hott da Joseph si fumm Jakob sei shohs gnumma un hott sich nunnah gebikt mitt sei ksicht uf da grund.

1. Kaynicha 15:13

Eah hott even sei maemm di Maacha runnah ksetzt funn di kaynich-maemm sei veil see en grausamah Ashera-poshta gmacht katt hott. Da Asa hott sellah poshta nunnah kakt un hott'n fabrend in di Kidron Valley.

1. Kaynicha 2:18

Di Bathsheba hott no ksawt, “Awlrecht, ich gay un shvetz zu eem fa dich.”

Psalm 110:1

Da Hah hott ksawt zu meim Hah, “Hokk dich an mei rechtsi seit, biss ich dei feinda en foos-shtool mach fa dei fees.”

Psalm 45:9

Em kaynich sei mayt sinn gnumma fa selli unnich dei hohch-gachti veibsleit sei, un an dei rechtsi seit shtayt di kaynich-fraw gedekt mitt gold funn Ophir.

2. Mosi 20:12

Du solsht dei faddah un dei muddah eahra so es du lang laybsht im land es da Hah dei Gott diah gebt.

3. Mosi 19:3

Yaydah funn eich soll sei maemm un daett eahra, un diah sellet mei Sabbat-Dawwa halda. Ich binn da Hah eiyah Gott.

3. Mosi 19:32

Shtay uf fannich di grohwa kebb, eah di eldra un fircht dei Gott. Ich binn da Hah.

Matthäus 25:33

Un eah dutt di shohf uf sei rechtsi seit un di gays uf sei lingsi seit.