1. Kaynicha 19:4 - Pennsylvania Dutch Bible

⁴ Avvah eah selvaht is noch en dawk veidah in di vildahnis ganga. Eah is an en baysa-bohm kumma un hott sich drunnah kokt. Eah hott kfrohkt fa shteahva un hott ksawt, “Dess is genunk, Hah, nemm nau mei layva funn miah; ich binn nett bessah es mei foah-feddah.”

1. Kaynicha 19:4 ပူးပေါင်းရင်းမြစ်များ

1. Kaynicha 13:14

Eah is no em mann funn Gott nohch ganga. Eah hott een kfunna am unnich en aycha-bohm hokka un hott kfrohkt, “Bisht du da mann funn Gott es funn Juda kumma is?” Eah hott ksawt, “Yau, ich binn.”

1. Kaynicha 19:3

Da Elia hott sich kfeicht un is kshprunga fa sei layva. Vo eah an Beer-Seba in Juda kumma is, hott eah sei gnecht datt glost.

1. Kaynicha 19:5

No hott eah sich anna glaykt unnich em bohm un is eikshlohfa. Uf aymol hott en engel een ohgraykt un hott ksawt zu eem, “Shtay uf un ess.”

2. Kaynicha 2:11

Diveil es si am mitt-nannah lawfa un am shvetza voahra—uf aymol is en feiyahrichah vauwa un feiyahrichi geil bei kumma un henn si funn-nannah gedu. Un da Elia is nuff in da himmel ganga in en vind-veahvel.

Hiob 6:8

Oh, vann ich yusht havva kend vass ich frohk difoah, un vass ich hoff difoah gevva veah zu miah bei Gott.

Hiob 6:9

Ich vott Gott veah villing fa mich doht drikka, es eah sei hand lohs lossa dayt un mich abshneida!

Jeremia 20:9

Avvah vann ich sawk, “Ich zayl nimmi an een denka, adda in seim nohma shvetza,” dann is sei vatt vi en feiyah in meim hatz, vi en feiyah eikshpatt in mei gnocha. Ich va gans matt funn's zrikk hayva, un ich kann's yusht nett du.

Amos 6:2

Gaynd nivvah in di shtatt Kalne un gukket, un funn datt gaynd in di grohs shtatt Hamath, no gaynd nunnah in di Philishtah shtatt Gath. Sinn si bessah ab es dee zvay kaynich-reicha? Is iahra land graysah es eiyahs?

Jona 4:3

So nau, oh Hah, nemm mei layva vekk funn miah, fa ich vett leevah doht sei es layva.”

Jona 4:8

Vo di sunn uf kumma is hott Gott en haysah east vind kshikt, un di sunn hott so hays uf em Jona sei kobb ksheind es eah shiah ummechtich is vadda. Eah hott no gvinsht eah kend shteahva un hott ksawt, “Ich vett leevah doht sei es layva.”

Nahum 3:8

Bisht du bessah es di shtatt No-Amon, dee es am Nile Revvah noch is, mitt vassah um sich rumm? Da revvah voah iahra shield, un's vassah iahra vand.

4. Mosi 11:15

Vann du deah vayk shaffa zaylsht mitt miah, un ich gnawt finn mitt diah, dann bring mich grawt um, so es ich mei ayya aylend nett sayna brauch.”

Matthäus 6:26

Gukket moll di fekkel in di luft. Si doon nett sayya, adda di eahn abmacha, adda samla in di sheiyah. Avvah da Faddah im Himmel dutt si doch feedra. Sind diah nett feel may veaht es si?

Johannes 4:6

Em Jakob sei brunna voah datt, un veil eah meet voah funn lawfa hott Jesus sich datt an da brunna kokt. Es voah so an di zvelf oowah rumm.

Römer 3:9

Vass sawwa miah dann? Sinn miah bessah vi si? Goah nett! Fa miah henn difoah shund gvissa es di Yudda un di Greeyisha awl unnich sinda sinn.