1. Kaynicha 19:14 - Pennsylvania Dutch Bible

¹⁴ Eah hott ksawt, “Ich voah immah fleisich fa da Hah, da Awlmechtich Gott, avvah di Kinnah-Israel henn dei bund falossa, dei awldahra nunnah grissa un dei brofayda doht gmacht mitt em shvatt. Ich binn da aynsisht ivvahrich, un nau vella si mich aw doht macha.”

1. Kaynicha 19:14 ပူးပေါင်းရင်းမြစ်များ

1. Kaynicha 18:22

No hott da Elia ksawt, “Ich laynich binn ivvahrich fumm Hah sei brofayda, avvah da Baal hott fiah hunnaht un fuftzich brofayda.

1. Kaynicha 18:30

No hott da Elia ksawt zu awl di leit, “Kummet do heah zu miah.” Si sinn nayksht kumma, un eah hott da awldah fumm Hah viddah ufgebaut es nunnah grissa gvest voah.

Psalm 78:37

Iahra hatza voahra nett shtandhaftich zu eem, si henn sei bund nett ufrichtich kalda.

Jesoiya 1:4

Oh, sindlichi leit, leit es nunnah-glawda sinn mitt shulda, nohch-kummashaft funn evil-shaffah, gans fadauvani kinnah! Si henn da Hah falossa, sellah Heilich in Israel nunnah gedrayt, un iahra bikkel geyyich een gedrayt.

Jesoiya 62:1

Fa di sayk funn Zion zayl ich nett shtill sei, un fa di sayk funn Jerusalem zayl ich nett roowa, biss iahra gerechtichkeit sheind mitt helling, un iahra saylichkeit brend vi en feiyah-shtekka.

Jeremia 22:9

No andvadda si, ‘Veil si's bund fumm Hah iahra Gott falossa henn, un henn sich nunnah gegneet zu anri gettah un henn si gedeend.’”

Daniel 11:30

Shiffah funn di west zayla geyyich een kumma un eah zayld sich feicha. No zayld eah zrikk drayya un zayld sei zann ausnemma uf em heilicha bund. Selli es es heilich bund falossa zayld eah goot yoosa.

Daniel 3:18

Avvah vann eah nett dutt, dann vella miah alsnoch havva es du vaysht, oh kaynich, es miah dei gettah nett deena zayla, un's gleichnis funn gold nett ohbayda zayla es du ufksetzt hosht.”

Hosea 6:7

Si henn's bund ivvah-gedredda vi mennah, un so vi datt, henn si geyyich mich kshaft.

Römer 11:3

“Hah, si henn dei brofayda doht gmacht, un henn dei awldah nunnah grissa. Ich laynich binn ivvahrich, un si vella mich doht macha”?

5. Mosi 29:25

Un leit zayla sawwa, “Es is veil dee leit em Hah, da Gott funn iahra feddah, sei bund falossa henn, da bund es eah gmacht hott mitt eena vo eah si aus Egypta gebrocht hott.

5. Mosi 31:20

Vann ich si moll nei in's land gebrocht habb es lawft mitt millich un hunnich, dess vass ich kshvoahra habb fa gevva zu iahra foah-feddah, un si essa sich satt un vadda fett, no drayya si zu anri gettah un deena si. Si zayla mich nunnah drayya un mei bund nimmi halda.

Hebräer 8:9

Dess zayld nett sei vi's bund es ich gmacht habb mitt iahra foah-feddah uf em dawk vo ich si gnumma habb bei di hand fa si aus em land funn Egypta fiahra. Fa si henn nett ohkalda in meim bund, so habb ich si fa'acht, sawkt da Hah.