1. Kaynicha 18:29 - Pennsylvania Dutch Bible

²⁹ Middawk is fabei ganga un si henn ohkalda greisha un broffetzeiya biss es zeit voah fa's ohvet opfahra macha. Avvah's voah kenn shtimm, un's voah kenn andvat; nimmand hott kshvetzt.

1. Kaynicha 18:29 ပူးပေါင်းရင်းမြစ်များ

1. Kaynicha 18:26

So henn si da ox gnumma es eena gevva voah un henn en grisht. No henn si da nohma fumm Baal ohgroofa funn meiyets biss middawks. Si henn ksawt, “Oh Baal, gebb uns andvat!” Avvah's voah kenn shtimm un nimmand hott andvat gevva. Un si henn ohkalda um da awldah rumm dansa es si gmacht katt henn.

1. Kaynicha 18:36

Vo's zeit voah fa's ohvet-opfah macha is da brofayt Elia nayksht kumma un hott gebayda, “Oh Hah, da Gott fumm Abraham, Isaac un Israel, loss es vissa gmacht heit es du Gott in Israel bisht, es ich dei gnecht binn un habb awl dee sacha gedu bei dei gebodda.

1. Kaynicha 22:10

Da kaynich funn Israel un da Josaphat, da kaynich funn Juda, voahra am uf iahra kaynich-shteel hokka am dresha-floah fannich em doah funn Samaria. Si henn iahra kaynich-glaydah oh katt, un awl di brofayda voahra am broffetzeiya fannich eena.

1. Kaynicha 22:12

Awl di anra brofayda henn aw so gebroffetzeit, un henn ksawt, “Gaynd un fechtet Ramoth-Gilead un nemmet's ivvah. Da Hah zayld's im kaynich sei hand gevva.”

Psalm 115:4

Avvah iahra abgettah sinn silvah un gold; si sinn gmacht mitt di hend funn mensha.

Psalm 141:2

Loss mei gebayt gnumma sei es vi insens, un mei ufkohvani hend es vi en ohvet-opfah.

2. Mosi 29:39

Ay lamm solsht du opfahra meiyets un's anra ohvets.

2. Mosi 29:41

Opfah's zvett lamm ohvets mitt em gleichlich mayl opfah un vei opfah vi du hosht meiyets. Dess is en opfah gmacht zumm Hah bei feiyah un is goot-shmakkich zu eem.

2. Mosi 8:14

Si henn si in heifa gedu un's land hott kshtunka.

Jesoiya 16:12

So vann di leit funn Moab an di hohcha awldah gayn dann veahra si sich yusht aus. Vann si an da awldah gayn fa bayda, dann richta si nix aus.”

Jesoiya 46:7

Si hayva's uf iahra shuldahra un drawwa's, si setz es an en blatz un datt shtayt's. Es kann nett vekk gay funn datt. Vann ebbah shvetzt ditzu, gebt's kenn andvat, un's kann eem nett helfa in sei noht.

Daniel 9:21

diveil es ich noch am bayda voah, is da Gabriel zu miah kflowwa so an di zeit rumm fumm ohvet-opfah. Da Gabriel voah da mann es ich ksenna katt habb eahshtah in di vision.

Galater 4:8

Eahshtah zrikk, vo diah Gott nett gekend hend, hend diah selli gedeend vo bei naduah nett gettah sinn.

1. Samuel 10:5

Noch sellem zaylsht du an da hivvel funn Gott in Gibeah kumma vo di Philishtah en greeks-camp henn. Vi du an di shtatt kumsht, zaylsht du en drubb brofayda ohdreffa es am runnah kumma sinn fumm hohcha blatz mitt grohsi un glenni harfa, un tambourines un flutes es am kshpeeld vadda sinn fannich eena un si zayla am broffetzeiya sei.

1. Samuel 18:10

Da neksht dawk is en evilah geisht es kshikt voah funn Gott uf da Saul kumma. Eah voah am rawsa in seim haus, un da Dawfit hott di harf kshpeeld mitt sei hand vi difoah. Da Saul hott en shpiah in sei hand katt.