1. Kaynicha 18:21 - Pennsylvania Dutch Bible

²¹ No is da Elia fannich di leit ganga un hott ksawt, “Vee lang vaklet diah uf zvay seida? Vann da Hah Gott is, dann gaynd eem nohch, avvah vann da Baal Gott is, dann gaynd eem nohch.” Avvah di leit henn nix ksawt.

1. Kaynicha 18:21 ပူးပေါင်းရင်းမြစ်များ

1. Mosi 24:50

No hott da Laban un da Bethuel andvat gevva un henn ksawt, “Dee sacha kumma fumm Hah, so kenna miah nett ay vayk adda da annah sawwa.

1. Mosi 44:16

“Vass kenna miah sawwa zu unsah meishtah?” hott da Juda ksawt. “Vass kenna miah sawwa? Vee kenna miah diah veisa es miah's nett gedu henn? Gott hott di sinda funn dei gnechta abgedekt. Miah sinn nau mei meishtah sei gnechta—miah selvaht, un aw sellah es es kobli katt hott.”

1. Kaynicha 18:20

So hott da Ahab vatt naus kshikt zu gans Israel, un hott di brofayda zammah ksammeld uf em Berg Karmel.

1. Kaynicha 18:39

Vo di leit dess ksenna henn, sinn si uf da bodda kfalla, un henn ksawt, “Da Hah, eah is Gott; da Hah, eah is Gott!”

2. Kaynicha 17:41

Dee heida henn da Hah kfircht, avvah si henn doch ohkalda iahra aykni gettah deena. Heit noch doon iahra kinnah un kinds-kinnah ohhalda du grawt vi iahra foah-feddah gedu henn.

1. Chronik 17:26

Nau, oh Hah, du bisht Gott, un hosht dee goodi sacha fashprocha zu deim gnecht.

2. Chronik 33:13

Vo eah gebayt hott zu eem, voah da Hah bamhatzich zu eem un hott een abkeicht. No hott eah een viddah zu Jerusalem un sei kaynich-reich gebrocht. Nohch sellem hott da Manasse gvist es da Hah Gott is.

Psalm 100:3

Bekennet es da Hah Gott is; eah hott uns gmacht, un miah sinn sei; miah sinn sei leit, un di shohf funn sei vayt.

Psalm 119:113

Ich hass zvay-ksichtichi mennah, avvah dei ksetz is miah leeblich.

Hosea 10:2

Iahra hatz is fafiahrich, un nau zayla si shuldich kfunna sei. Da Hah zayld iahra awldahra nunnah reisa, un iahra shtay-gleichnisa zu nix bringa.

Zephania 1:5

selli es sich nunnah gneeya uf di dechah un bayda zu di sunn, da moon un di shtanna, selli es sich nunnah bikka un shveahra beim Hah un aw beim abgott, Milkom,

Matthäus 22:12

Un eah hott ksawt zumm mann, ‘Mei freind, vi bisht du do rei kumma unni hochtzich glaydah?’ Avvah eah hott nix sawwa kenna.

Matthäus 22:34

Avvah vo di Pharisayah keaht henn es eah di Sadduzayah shtill gmacht hott, sinn si zammah ganga.

Matthäus 22:36

“Meishtah, vels is es graysht gebott im Ksetz?”

Matthäus 6:24

Nimmand kann zvay meishtah deena. Endveddah dutt eah da aynd hassa un da annah leeva, adda dutt eah demm aynda nohch gay un da annah fa'achta. Du kansht nett Gott un nadiahlichi sacha deena.”

Lukas 6:13

Un vo's dawk is vadda, hott eah sei yingah zu sich groofa, hott zvelfa raus glaysa un hott si sei aposhtla kaysa.

Römer 3:19

Nau miah vissa es vass-evvah es es Ksetz sawkt, dess sawk's zu selli vo unnich em Ksetz sinn. Dess is so es alli maul shtill gmacht vatt, un di gans veld shuldich vatt fannich Gott.

5. Mosi 4:35

Dee sacha voahra eich gvissa so es diah vissa kennet es da Hah laynich Gott is, es hott kenn anra unni een.

Joshua 24:15

Vann's eich nett kfald fa da Hah deena, dann machet heit eiyah meind uf veah diah deena vellet—di abgettah es eiyah foah-feddah gedeend henn uf di annah seit fumm Revvah, adda di gettah funn di Amoriddah do vo diah voonet. Avvah so veit es es mich un mei family ohgayt, miah zayla da Hah deena.”

1. Samuel 7:3

No hott da Samuel kshvetzt zu awl di leit funn Israel un hott ksawt, “Vann diah zrikk drayyet zumm Hah mitt eiyah gans hatz, doond di fremdi gettah un di Astharoths vekk unnich eich un rishtet eiyah hatza fa yusht da Hah deena, dann macht eah eich frei funn di hand funn di Philishtah.”