1. Kaynicha 10:22 - Pennsylvania Dutch Bible

²² Da kaynich hott shiffah uf em say katt mitt di shiffah fumm Hiram. Aymol alli drei yoah sinn si zrikk kumma un henn gold, silvah, ivory, monkeys un poch-hohna gebrocht.

1. Kaynicha 10:22 ပူးပေါင်းရင်းမြစ်များ

1. Mosi 10:4

Un dess sinn di kinnah fumm Javan: Elisa, Tharsis, Kittim un Dodanim.

1. Kaynicha 10:18

Un da kaynich hott en grohsah kaynich-shtool gmacht aus ivory un hott en ivvah-gezowwa mitt fei gold.

1. Kaynicha 10:21

Em Kaynich Solomon sei drink-koblen voahra awl gmacht funn gold, un awl's ksha im Lebanon Bush Haus voah gmacht funn gold. Nix voah gmacht funn silvah veil silvah nett feel veaht voah im Solomon sei dawk.

1. Kaynicha 22:48

Da Josaphat hott shiffah bauwa glost fa handla un fakawfa ivvah em say. Eah hott dee gebaut fa gold hohla funn Ophir, avvah si sinn nee nett ganga, veil si fabrocha vadda sinn an Ezeon-Geber.

1. Kaynicha 22:49

An selli zeit hott da Ahasia, em Ahab sei boo, ksawt zumm Josaphat, “Loss mei mennah mitt dei mennah gay in di shiffah.” Avvah da Josaphat hott nett vella.

1. Kaynicha 9:26

Da Kaynich Solomon hott aw shiffah gebaut an Ezeon-Geber. Sell is nayksht an Eloth am Rohda Say nohch in Edom.

2. Chronik 9:21

Da kaynich hott shiffah uf em say katt es em Huram sei gnechta kfoahra henn. Aymol alli drei yoah sinn si zrikk kumma un henn gold, silvah, ivory, monkeys un poch-hohna gebrocht.

Hiob 39:13

Da ostrich is fraylich un flapped sei flikkel, avvah sei flikkel sinn nix vi di feddahra fumm stork.

Psalm 48:7

Mitt em east vind, hosht du di shiffah funn Tharsis fabrocha.

Psalm 72:10

Di kaynicha funn Tharsis un di islands zayla eem kshenkah bringa, un aw di kaynicha funn Sheba un Seba zayla eem kshenkah bringa.

Jesoiya 2:16

geyyich awl di shiffah im say un awl di shayna boats.

Jesoiya 23:1

En zeiya veyyich Tyrus: Heilet diah shiffah funn Tharsis! fa Tyrus is zammah grissa, un's is kenn haus adda blatz fa shiffah ohbinna. Fumm land funn Cyprus is dess vatt zu eena kumma.

Jesoiya 23:10

Shaffet eiyah land vi si doon am Nile Revvah nohch, oh Dochtah funn Tharsis, fa's is kenn graft may ivvahrich.

Jesoiya 23:6

Gaynd ivvah da say zu Tharsis, heilet diah es am say nohch voonet.

Jesoiya 60:9

Di islands gukka zu miah, un shiffah funn Tharsis sinn fanna heah; si bringa dei kinnah funn veit ab mitt gold un silvah, fa da Hah dei Gott eahra, da Heilich Gott funn Israel, veil eah dich hallich gmacht hott.

Jesoiya 66:19

Ich zayl en zaycha unnich si setza, un selli es ivvahrich sinn, zu di heida-lendah shikka—zu Tharsis, zu Phul un Lud (goodi bow-sheesah), zu Thubal un Javan, un zu di islands es veit ab es noch nett keaht henn funn miah un mei hallichkeit. Si zayla mei hallichkeit vissa lossa unnich di heida.

Ezekiel 27:12

Tharsis hott kandeld mitt diah veil du so reich voahsht mitt sach. Si henn kandeld mitt silvah, eisa, tin un lead fa dei sacha.

Ezekiel 27:15

Di mennah funn Dedan henn kandeld mitt diah, du hosht fakawft zu feel leit am say nohch. Si henn dich betzawld mitt ivory tusks un ebony-hols.

Amos 3:15

Ich reis es vindah haus nunnah un aw's summah haus; di heisah es bedekt sinn mitt ivory vadda fadauva, un di grohsa frechi heisah vadda zammah grissa.” So sawkt da Hah.

Jona 1:3

Avvah da Jona is uf un vekk fumm Hah kshprunga noch Tharsis. Eah is nunnah an Japho ganga un hott datt en shiff kfunna es am noch Tharsis gay voah. Eah hott sei feah betzawld, is nunnah in's shiff ganga fa mitt eena noch Tharsis gay, vekk fumm Hah.