1. Johannes 5:3 - Pennsylvania Dutch Bible

³ Fa dess is di leevi funn Gott: es miah sei gebodda halda. Un sei gebodda sinn nett shveah.

1. Johannes 5:3 ပူးပေါင်းရင်းမြစ်များ

2. Kaynicha 18:6

Eah hott fesht kohva zumm Hah, un hott nett ufkeaht eem nohch gay. Un eah hott di gebodda kalda es da Hah gevva katt hott zumm Mosi.

Psalm 119:140

Dei vatt kann falossa sei druff, un dei gnecht hott's leeb.

Psalm 119:45

Ich zayl rumm lawfa in freiheit, veil ich dei adnunga such.

2. Mosi 20:6

Avvah ich veis leevi zu dausends funn selli es mich leeb henn un mei gebodda halda.

Shpricha 3:17

Iahra vayya sinn leeblich, un in awl iahra pawda is fridda.

Daniel 9:4

Ich habb gebayda zumm Hah mei Gott, habb mich bekend un habb ksawt, “Oh Hah, du grohsah un shreklichah Gott, deah es sei bund un shtandhaftichi-leevi hald fa selli es een leeva un sei gebodda halda,

Micha 6:8

Es is diah ksawt, oh mensh, vass goot is, un vass da Hah foddaht funn diah. Du solsht leit recht yoosa un bamhatzich sei zu eena, un daymeedich lawfa mitt deim Gott.

Matthäus 23:4

Si macha shveahri bundla un layya si uf leit iahra bikkel, avvah si farayya nett ay fingah fa di bundla selvaht drawwa.

Johannes 14:15

“Vann diah mich leeb hend, haldet mei gebodda.

Johannes 15:10

Vann diah mei gebodda haldet, dann bleivet diah in mei leevi, grawt vi ich meim Faddah sei gebodda kalda habb un bleib in seinra leevi.

Johannes 15:14

Diah sind mei freind vann diah doond vass ich eich sawk.

Römer 7:12

So's Ksetz is heilich, un's gebott is heilich, recht un goot.

Römer 7:22

Ich habb grohsi frayt im Ksetz funn Gott in meim innahlichah mensh.

5. Mosi 5:10

Avvah ich veis shtandhaftichi-leevi zu dausends funn selli es mich leeva un mei gebodda halda.

5. Mosi 7:9

Fasell sellet diah vissa es da Hah eiyah Gott, Gott is. Eah is da shtandhaftich Gott es sei bund hald, un sei shtandhaftichi-leevi veist fa en dausend layves-zeida zu selli es een leeva un sei gebodda halda.

Hebräer 8:10

Dess is es bund es ich macha zayl mitt em haus funn Israel noch selli dawwa, sawkt da Hah: Ich zayl mei Ksetz in iahra meind du un's uf iahra hatza shreiva. Ich zayl iahra Gott sei un si zayla mei leit sei.

1. Johannes 2:3

Un bei demm vissa miah es miah een kenna, vann miah sei gebodda halda.

2. Johannes 1:6

Dess is di leevi, es miah lawfa noch sei gebodda. Un dess is es gebott vo diah keaht hend fumm ohfang, es miah datt drinn lawfa sella.