1. Johannes 5:14 - Pennsylvania Dutch Bible

¹⁴ Dess is di fadrauwa es miah henn in eem; vann miah ennich ebbes frohwa noch seim villa, dann heaht eah uns.

1. Johannes 5:14 ပူးပေါင်းရင်းမြစ်များ

1. Kaynicha 3:12

dann zayl ich du vass du kfrohkt hosht difoah. Ich gebb diah en hatz mitt fashtand un veisheit, so es nee nimmand gvest voah vi du, un aw nee nimmand sei zayld.

Hiob 34:28

Deich si henn di oahma missa zu eem roofa fa hilf, un eah hott selli keaht es in noht voahra.

Psalm 145:19

Eah folfild di falanga funn selli es een firchta, eah heaht si roofa un helft eena.

Psalm 31:22

In meim angsht habb ich ksawt, “Ich binn veit vekk kshtohsa funn dei awwa.” Avvah du hosht mich keaht frohwa fa bamhatzichkeit, vo ich groofa habb zu diah.

Psalm 34:17

Di gerechta roofa, un da Hah heaht si, un macht si frei funn awl iahra druvvel.

Psalm 69:33

Da Hah heaht selli es noht henn, un fa'acht nett selli es kfanga sinn.

Shpricha 10:24

Vass da gottlohs sich feicht diveyya kumd uf een, avvah da gerecht mann grikt vass eah havva vill.

Shpricha 15:29

Da Hah is veit vekk funn di gottlohsa, avvah eah heaht's gebayt funn di gerechta.

Jeremia 33:3

‘Roof mich oh, un ich gebb diah andvat, un sawk diah grohsi un mechtichi sacha es du nett vaysht.’

Matthäus 21:22

Un vass-evvah es diah frohwet difoah in eiyah gebayt, dess greeyet diah vann diah glawva hend.”

Johannes 11:42

Ich habb gvist es du mich immah heahsht, avvah ich habb dess ksawt fa dee leit vo do bei miah shtayn, so es si glawva es du mich kshikt hosht.”

Johannes 14:13

Vass-evvah es diah frohwet in meim nohma, dess doon ich, so es da Faddah di eah grikt deich da Sohn.

Johannes 15:7

Vann diah in miah bleivet, un mei vadda in eich bleiva, kennet diah frohwa vass diah vellet, un's vatt gedu fa eich.

Johannes 16:24

Nuff biss nau hend diah nett kfrohkt fa ennich ebbes in meim nohma; frohwet un diah zaylet greeya, so es eiyah frayt folkumma vatt.

Johannes 9:31

Miah vissa es Gott nett abheicht zu sindah, avvah vann ebbah Gott deend un dutt sei villa, dann dutt eah eem abheicha.

Epheser 3:12

Deich een sinn miah shteik psunna, un feicha uns nett zu Gott kumma deich unsah glawva in eem.

Hebräer 10:35

So shmeiset eiyah moot un fadrauwes nett vekk. Dee sacha betzawla en grohsah lohn.

Hebräer 3:14

Fa miah henn en dayl mitt Christus vann miah biss an's end, fesht ohhayva zu di fadrausht es miah katt henn am ohfang.

Hebräer 3:6

Avvah Christus, es en Sohn, voah shtandhaftich ivvah sei haus. Dess haus sinn miah, vann miah fesht hayva zu di fadrauwa un frayt funn unsah hofning biss an's end.

Jakobus 4:3

Diah frohwet un greeyet's nett veil diah frohwet mitt letzi gedanka, un veil diah's shpenda vellet uf eiyah aykni blesiah.

Jakobus 5:16

Bekennet eiyah sinda zu nannah un baydet fa nannah so es diah ksund vaddet. Es gebayt funn en gerechtah mann kann feel du.

1. Johannes 2:28

Un nau, kinnah, bleivet in eem, so es vann eah sich moll veist kenna miah moot havva, un braucha uns nett shemma fannich eem vann eah zrikk kumd.