1. Johannes 4:21 - Pennsylvania Dutch Bible

²¹ Un miah henn dess gebott funn eem: veah Gott leebt sett aw sei broodah leeva.

1. Johannes 4:21 ပူးပေါင်းရင်းမြစ်များ

3. Mosi 19:18

Du solsht nett zrikk betzawla adda en hass hayva geyyich ennichs funn dei leit, avvah du solsht dei nochbah leeva vi dich selvaht. Ich binn da Hah.

Matthäus 5:43

“Diah hend keaht es es ksawt voah; du solsht dei nochbah leeva, un dei feind hassa.

Lukas 10:37

Da shrift-geleahrah hott ksawt, “Da vann vo bamhatzich voah zu eem.” No hott Jesus ksawt, “Gay du un du aw so.”

Johannes 15:12

Dess is mei gebott, es diah nannah leevet vi ich eich gleebt habb.

Galater 5:14

Fa's gans Ksetz is folfild in ay vatt: “Du solsht dei nochbah leeva vi dich selvaht.”

Galater 5:6

Vann miah in Christus Jesus sinn, dann maynd di beshneidung, un aw di unbeshneidung goah nix. Yusht da glawva am shaffa deich di leevi maynd ebbes.

1. Thessalonicher 4:9

Nau veyyich leevi havva fa di breedah, es is nett nohtvendich es ich shreib zu eich, fa diah sind selvaht gland funn Gott fa nannah leeva.

1. Petrus 3:8

Un endlich, awl funn eich, seind aynich mitt-nannah, mitt-leidich fa nannah vi breedah sei sedda, un seind bamhatzich un freindlich unnich nannah.

1. Petrus 4:8

Un ovvich alli sacha, haldet en deefi leevi fa nannah, fa di leevi dekt feel sinda zu.

1. Johannes 2:7

Leevi breedah, ich binn nett am en nei gebott shreiva zu eich, avvah en ald gebott es diah katt hend fumm ohfang. Dess ald gebott is es Vatt es diah keaht henn fumm ohfang.

1. Johannes 3:11

Dess sinn di gebodda es diah keaht henn fumm ohfang, es miah nannah leeva sella.

1. Johannes 3:14

Miah vissa es miah aus em doht in's layva kumma sinn, veil miah di breedah leeva. Deah vo sei broodah nett leebt, bleibt im dohda.

1. Johannes 3:18

Kinnah, losset uns nett leeva mitt vadda adda mitt di zung, avvah mitt vass miah doon, un deich di voahheit.

1. Johannes 3:23

Un dess is sei gebott, es miah glawva an da nohma funn seim Sohn Jesus Christus, un henn leevi fa nannah vi eah uns gebodda hott.

1. Johannes 4:11

Diah leeblichi, vann Gott uns so gleebt hott, dann sedda miah aw nannah leeva.