1. Johannes 3:21 - Pennsylvania Dutch Bible

²¹ Diah leeblichi, vann unsah hatz uns nett fadamd, dann sinn miah nett engshtlich fannich Gott.

1. Johannes 3:21 ပူးပေါင်းရင်းမြစ်များ

Hiob 22:26

No zaylsht du dich froiya im Awlmechticha, un zaylsht dei ksicht nuff hayva zu Gott.

Hiob 27:6

Funn mei gerechtichkeit binn ich shuah un gebb's nett uf, mei hatz is nett gedruvveld so lang es ich layb.

Psalm 101:2

Ich vill acht gevva un mich unshuldichah uf fiahra; vann kumsht du zu miah? Ich vill in meim haus lawfa mitt en unshuldich hatz.

Römer 14:22

Vann du en glawva hosht, hald en zu diah selvaht fannich Gott. Ksaykend is da mann vo blohk-frei is mitt di sacha es eah alawbt.

1. Korinther 4:4

Ich vays nix es geyyich mich is, avvah sell is nett vass mich gerecht macht. Es is da Hah vo mich richta dutt.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Epheser 3:12

Deich een sinn miah shteik psunna, un feicha uns nett zu Gott kumma deich unsah glawva in eem.

1. Timotheus 2:8

Ich vill havva es mennah ivvahrawlich heilichi hend uf hayva un bayda unni zann adda zveifla.

Hebräer 10:22

dann losset uns nayksht gay zu eem mitt eahlichi hatza un en follah glawva, veil unsah hatza kshpritzt un blohk-frei gmacht sinn, un unsah leivah gvesha sinn mitt rein vassah.

Hebräer 4:16

Fasell, vella uns nett feicha fannich da kaynich-shtool funn gnawt kumma, so es miah bamhatzichkeit greeya, un gnawt finna fa uns helfa an di zeit vann miah's noht henn.

1. Johannes 2:28

Un nau, kinnah, bleivet in eem, so es vann eah sich moll veist kenna miah moot havva, un braucha uns nett shemma fannich eem vann eah zrikk kumd.

1. Johannes 2:7

Leevi breedah, ich binn nett am en nei gebott shreiva zu eich, avvah en ald gebott es diah katt hend fumm ohfang. Dess ald gebott is es Vatt es diah keaht henn fumm ohfang.

1. Johannes 3:2

Mei leeblichi, miah sinn nau kinnah funn Gott, un vass miah sei zayla is noch nett gvissa gmacht. Avvah miah vissa vann eah sich moll veist, dann zayla miah sei vi eah is, fa miah zayla een sayna vi eah is.

1. Johannes 3:20

Avvah vann unsah hatza uns fadamma doon, Gott is graysah vi unsah hatza un eah vayst alli sacha.

1. Johannes 4:17

In demm is di leevi folkumma gmacht mitt uns, so es miah feichtlohs sinn im richtah-dawk, fa vi eah is, so sinn miah in di veld.

1. Johannes 5:14

Dess is di fadrauwa es miah henn in eem; vann miah ennich ebbes frohwa noch seim villa, dann heaht eah uns.