1. Johannes 2:17 - Pennsylvania Dutch Bible

¹⁷ Un di veld fagayt mitt iahra lusht, avvah deah vo Gott sei villa dutt zayld layva fa'immah.

1. Johannes 2:17 ပူးပေါင်းရင်းမြစ်များ

Psalm 102:26

Si zayla awl fagay, avvah du bleibsht, si zayla awl ausveahra vi glaydah; vi glaydah dusht du si aus, un no vadda si vekk kshmissa.

Psalm 143:10

Lann mich fa dei villa du, fa du bisht mei Gott; loss dei goodah Geisht mich uf en ayvani pawt fiahra.

Psalm 39:6

Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Psalm 90:9

Unsah gans layva kumd zu en end deich dei zann, un unsah yoahra enda vi en ohften.

Shpricha 10:25

Vann da shtoahm moll fabei is, dann sinn di gottlohsa nimmi datt, avvah di gerechta shtayna shtandhaftich fa'immah.

Matthäus 21:31

Vels funn di zvay hott em faddah sei villa gedu?” Si henn ksawt, “Da eahsht.” Jesus hott ksawt zu eena, “Voahlich ich sawk eich, di tax-einemmah un di huahra kumma in's Himmel-Reich eb diah.

Matthäus 24:35

Da Himmel un di eaht vadda fagay avvah mei vadda zayla nett fagay.”

Matthäus 7:21

Nett alli-ebbah es sawkt, ‘Hah, Hah,’ zu miah, zayld in's Himmel-Reich kumma. Yusht dee vo meim Faddah im Himmel sei villa doon, zayla nei kumma.

Markus 3:35

Veah-evvah es Gott sei villa dutt is mei broodah, un mei shveshtah, un mei muddah.”

Johannes 4:14

avvah veah's vassah drinkt es ich eem gebb, vatt nee nimmi dashtich; es vassah vass ich eem gebb vatt en shpring in eem es ivvah-lawft zu ayvich layva.”

Johannes 6:58

Dess is sell broht vo runnah kumma is fumm Himmel, nett sell vo di foah-feddah gessa henn un sinn kshtauva, avvah deah vo dess broht est zayld immah layva.”

Johannes 7:17

Vann ennich ebbah Gott sei villa du vill, dann find eah aus eb's funn Gott is vass ich eich lann, adda eb's is funn miah selvaht.

Römer 12:2

Machet eich nett sei vi's mushtah funn dee veld. Avvah losset eich fa'ennaht sei bei eiyah gedanka nei gmacht sei, so es diah vissa kennet vass da goot, un vohl-kfalla, un folkumma villa is funn Gott.

1. Korinther 7:31

Selli vo zu du henn mitt di veld, sella nett ufgnomma sei mitt iahra. Fa di sacha funn dee veld zayla fagay.

Kolosser 1:9

Un fasell, fumm dawk es miah keaht henn difunn, henn miah nett ufkeaht bayda fa eich. Miah henn ohkalda frohwa es diah kfild sei sellet mitt di eisicht funn seim villa un alli geishtlichi veisheit un begreifung.

Kolosser 4:12

Da Epaphras, vo ayns funn eich is un en gnecht funn Jesus Christus, greest eich. Eah dutt eich immah eahnshtlich meinda in sei gebaydah, so es diah folshtendich un folkumma shtaynd in Gottes villa.

1. Thessalonicher 4:3

Fa dess is Gott sei villa, es diah heilich un frei funn huahrahrei sind,

1. Thessalonicher 5:18

Seind dankboah in alli sacha, fa dess is Gott sei villa fa eich in Jesus Christus.

Hebräer 10:36

Diah hend noht fa geduld havva, so es vann diah Gott sei villa moll gedu hend, dann greeyet diah vass fashprocha voah.

Jakobus 4:14

Vei du vaysht goah nix veyyich meiya. Vass is dei layva? Es is yusht vi da nevvel es sich veist fa en glenni zeit un no viddah fagayt.

1. Petrus 1:5

Diah sind kalda bei di macht funn Gott deich da glawva zu di saylichkeit vo abgedekt sei zayld an di letsht zeit.

1. Petrus 4:2

Fasell, laybt eah's ivvahrich funn sei nadiahlichi zeit, nett noch di lusht funn mensha, avvah noch em villa funn Gott.