1. Chronik 28:12 - Pennsylvania Dutch Bible

¹² Eah hott eem aw di plans gevva funn alles es da Geisht in sei gedanka gedu hott fa da foah-hohf fumm Hah sei haus, fa awl di shtubba drumm rumm, fa di shtoah-shtubba funn Gott sei haus un fa di shtubba vo's keilicht sach drinn kalda vatt.

1. Chronik 28:12 ပူးပေါင်းရင်းမြစ်များ

1. Kaynicha 14:26

Eah hott's keshtlich sach aus em tempel fumm Hah fatt gedrawwa, un aw keshtlich sach aus em kaynich-haus. Eah hott alles gnumma, even di goldicha shields es da Solomon gmacht katt hott.

1. Kaynicha 15:15

Eah hott's silvah un gold un di anra sacha in da tempel fumm Hah gebrocht es eah un sei faddah heilich gmacht katt henn.

1. Kaynicha 15:18

Da Asa hott no awl's silvah un gold raus gnumma es ivvahrich voah in di geld-shtubba fumm Hah sei tempel un fumm kaynich-haus. Eah hott dess zu sei gnechta gevva, un hott si zumm Benhadad kshikt. Da Benhadad voah da kaynich funn Syria. Sei daett voah da Tabrimmon, un sei daett voah da Hesjon. Da Benhadad hott groold funn Damascus in Syria.

1. Kaynicha 7:51

So voah awl di eahvet faddich es da Kaynich Solomon gedu hott am tempel fumm Hah. No hott da Solomon awl di sacha gebrocht es sei faddah da Dawfit heilich gmacht katt hott—es gold un silvah un di ksharra—un hott si in's shtoah-haus fumm Hah sei tempel gedu.

2. Kaynicha 16:8

Da Ahas hott silvah un gold gnumma es kfunna voah im Hah sei tempel un in di shtoah-shtubba fumm kaynich-haus, un hott's zumm kaynich funn Assyria kshikt fa en kshenk.

2. Kaynicha 18:15

So hott da Hiskia eem awl's silvah gevva es im Hah sei tempel voah un in di geld-shtubb fumm kaynich-haus.

1. Chronik 26:20

Di Lefiddah freindshaft, mitt em foah-gengah Ahia, voahra ivvah di geld-shtubba ksetzt im haus funn Gott. Si voahra aw ivvah di kshenkah es heilich gmacht voahra.

1. Chronik 28:11

No hott da Dawfit em Solomon di plans gevva fa di poahtsh fumm tempel, di gebeiyah drumm rumm, di shtoah-heisah, di evvahshta shtubba, di innahlicha shtubba un di shtubb fa da gnawda-shtool.

1. Chronik 28:19

Da Dawfit hott ksawt, “Awl dess voah miah gevva zu fashtay in shreives bei di hand fumm Hah uf miah, so es alles auskshaft vatt noch demm foah-bild shreives.”

2. Mosi 25:40

Sayn ditzu es du alles machsht noch em mushtah es diah gvissa voah uf em berg.”

2. Mosi 31:2

“Nau gukk moll, ich habb da Bezaleel raus groofa bei seim nohma. Eah is funn di shtamm fumm Juda un is em Uri sei boo. Da Uri is em Hur sei boo.

Jeremia 35:2

“Gay zumm Rechabiddah shtamm un shvetz mitt eena. No fiah si in ayns funn di shtubba im Hah sei haus un gebb eena vei zu drinka.”

Ezekiel 40:2

In visions hott Gott mich in's land Israel gebrocht un hott mich uf en hohchah berg ksetzt. Uf di saut seit voahra samm gebeiyah es gegukt henn vi en shtatt.

Ezekiel 40:38

Es voah en seit shtubb mitt en doah es bei di eigang shtubb voah funn yaydah eigang es in da innahsht foah-hohf ganga is. Datt is vo di brand-opfahra gvesha vadda sinn.

Hebräer 8:5

Si sinn deenah funn en foah-bild un en shadda funn himlishi sacha. Fa vo da Mosi da tempel-tent ufkokt hott, hott Gott een famohnd un hott ksawt, “Sayn ditzu es du alles machsht noch em mushtah es diah gvissa voah uf em berg.”