1. Chronik 26:32 - Pennsylvania Dutch Bible

³² Es voahra sivvana zvansich hunnaht goodi mennah unnich em Jeria sei freindshaft es evvahshti voahra funn iahra families. Da Kaynich Dawfit hott si no ivvah-saynah gmacht ivvah di Rubeniddah, di Gadiddah un's halb-shtamm fumm Manasse mitt alles es zu du katt hott funn Gott un di eahvet fumm kaynich.

1. Chronik 26:32 ပူးပေါင်းရင်းမြစ်များ

1. Chronik 12:37

un funn di annah seit fumm Jordan Revvah voahra di mennah funn Ruben, Gad un di halb-shtamm fumm Manasse, grisht mitt alli sadda greeks-ksha—120,000.

1. Chronik 15:12

Eah hott ksawt zu eena, “Diah sind di evvahshti funn di Lefiddah families, so heilichet eich un selli in eiyah freindshafta, no bringet di Bundes-Lawt fumm Hah, da Gott funn Israel, an da blatz es ich grisht habb fa see.

1. Chronik 23:24

Dess voahra di nohch-kummashaft fumm Levi bei iahra families—di evvahshti funn en family freindshaft vi si gnambaht voahra bei nohma. Yaydahs funn eena hott missa zvansich yoah ald sei eb eah im Hah sei haus shaffa hott kenna.

1. Chronik 24:31

Si henn's lohs gezowwa grawt vi iahra breedah, em Aaron sei nohch-kummashaft henn. Si henn dess gedu fannich em Kaynich Dawfit, em Zadok, em Ahimelech, un fannich di evvahshti funn di preeshtah un Lefiddah families. Yaydah family voah gleicha gacht, fumm yingshta broodah zumm eldshta.

1. Chronik 27:1

Dess is vi di Kinnah-Israel gnambaht voahra—di evvahshti funn di family kshlechtah, di greeks-hauptmennah funn dausends, un hunnahts un iahra foah-gengah unnich eena es im kaynich sei deensht voahra. Yaydah dayl in di army is bei kumma moonet bei moonet deich's yoah, un yaydah dayl funn 24,000 hott gedeend fa ay moonet.

2. Chronik 19:11

Da Amaria, da evvahsht preeshtah, is ivvah eich in di sacha fumm Hah; da Sebadia, em Ismael sei boo, un da evvahsht funn di shtamm funn Juda, is ivvah eich in di sacha veyyich em kaynich, un di Lefiddah shaffa unnich eich fa sayna es di leit iahra recht greeya. Seind shteik un doond's, da Hah is mitt selli es recht doon.”

Joshua 1:12

No zu di Rubeniddah, di Gadiddah un dihelft funn di Manassiddah hott da Joshua ksawt,