1. Chronik 26:14 - Pennsylvania Dutch Bible

¹⁴ Es lohs fa's East Doah is zumm Meselemia kfalla. No henn si's lohs gezowwa fa sei boo da Sacharia, en shmeahdah roht-gevvah, un's Natt Doah is zu eem kfalla.

1. Chronik 26:14 ပူးပေါင်းရင်းမြစ်များ

1. Chronik 26:13

Es lohs voah gezowwa bei yaydah family, eb di family grohs adda glay voah, un dess voah fa alli doah.

1. Chronik 26:15

Es lohs fa's Saut Doah is zumm Obed-Edom kfalla, un's lohs fa's shtoah-haus is zu sei boova kfalla.

1. Chronik 26:9

Em Meselemia sei achtzay boova un freindshaft voahra aw hohch ohksenna un goot-kshikti mennah.

1. Chronik 9:21

Da Sacharia, em Meselemia sei boo, voah shpaydah da doah-heedah zumm fasamling-tent.

1. Chronik 9:24

Di doah-heedah voahra uf di fiah seida: east, west, natt un saut.

2. Chronik 31:14

Em Imna sei boo da Kore, en Lefiddah, es da heedah fumm East Doah voah, voah ivvah di frei-villicha kshenkah es gevva voahra zu Gott, un hott di sacha fadayld un ausgevva es gevva voahra zumm Hah un aw di keilichta kshenkah.

Ezra 8:16

No habb ich kshikt fa da Elieser, da Ariel, da Semaia, da Elnathan, da Jarib, da Elnathan, da Nathan, da Sacharia un da Mesullam, dee es foah-gengah voahra, un aw fa da Joiarib un da Elnathan es teetshahs voahra.