1. Chronik 22:16 - Pennsylvania Dutch Bible

¹⁶ Es sinn leit unni nambah es shaffa kenna mitt gold, silvah, bronze un eisa. Nau fang oh mitt di eahvet, un da Hah zayld bei diah sei.”

1. Chronik 22:16 ပူးပေါင်းရင်းမြစ်များ

1. Kaynicha 2:2

“Ich binn am uf da vayk gay funn di gans eaht; so sei shteik, un veis dich fa en mann sei.

1. Kaynicha 7:47

Da Solomon hott kens funn dee ksharra veeya glost veil's zu feel funna voahra. Di gvicht funn demm bronze voah nee nett auskfunna.

1. Chronik 22:11

Nau, mei boo, da Hah zayld bei diah sei, un zayld diah helfa en haus bauwa fa da Hah dei Gott, so vi eah ksawt hott es eah zayld.

1. Chronik 22:14

Nau gukk moll, ich habb hatt kshaft fa's sach bei greeya fa da tempel fumm Hah bauwa—nayksht fiah dausend ton gold, un fatzich dausend ton silvah, un so feel eisa un bronze es es nett meeklich is fa's veeya. Ich habb aw hols un shtay grisht, un du brauchsht fleicht noch may greeya.

1. Chronik 22:15

Du hosht aw feel shaff-leit: shtay-hakkah, shtay-uflayyah, shreinah un leit es goot sinn an alli satt eahvet.

1. Chronik 22:3

Eah hott feel eisa bei grikt fa nekkel macha fa di doahra vo ma nei gayt un fa di doah hinges un latches. Un eah hott so feel bronze grisht es es nett meeklich voah fa's veeya.

1. Chronik 28:10

Denk drivvah, fa da Hah hott dich raus glaysa fa en haus bauwa es en heilichah blatz is. Sei shteik un du dess ausrichta.”

1. Chronik 29:2

Mitt awl mei grefta habb ich kseikt fa's sach fa da tempel funn meim Gott bauwa. Ich habb gold bei grikt fa's goldich sach, silvah fa's silvah sach, bronze fa's bronze sach, eisa fa's eisich sach un hols fa's holsich sach. Ich habb aw onyx-shtay, eiksetzti shtay, shtay funn edlichi fauva, alli sadda keshtlichi shtay un feel marbel shtay zammah grisht.

2. Chronik 1:1

Em Dawfit sei boo da Solomon hott sich ufkokt un shteik gmacht in sei kaynich-reich, un da Hah sei Gott voah bei eem un hott eem hohchi eah gevva.

2. Chronik 20:17

Avvah diah brauchet deah greek nett fechta. Gaynd nunnah, shtaynd shtill, un vatshet vi si ivvah-gnumma vadda beim Hah, deah es bei eich is, oh Juda un Jerusalem. Feichet eich nett un seind nett bedreebt; gaynd nunnah un dreffet si oh, fa da Hah is bei eich.’”

1. Korinther 15:58

Fasell, mei leevi breedah, shtaynd fesht, un losset nett nohch. Doond immah eiyah besht in di eahvet fumm Hah, fa diah visset es eiyah eahvet im Hah nett fa nix is.

Epheser 5:14

Sell is favass es es sawkt, “Vekk uf, du es shlohfsht, shtay uf funn di dohda, un Christus zayld diah licht gevva.”

Philipper 4:13

Ich kann alles du deich Christus vo miah graft gebt.

Joshua 1:2

“Da Mosi mei gnecht is doht, so nau risht dich un gay ivvah deah Jordan Revvah nivvah—du un awl di leit—in's land es ich am eena, di Kinnah-Israel, gevva binn.

Joshua 1:5

Kenn mann kann sich ufshtella geyyich dich so lang es du laybsht. Vi ich mitt em Mosi voah, so zayl ich mitt diah sei. Ich loss dich nee nett nunnah un ich loss dich nett hokka.

Joshua 1:9

Nau meind, habb ich diah nett en gebott gevva? Sei shteik un gedrohsht, un feich dich nett. Du solsht kenn angsht adda bang havva. Fa da Hah dei Gott is mitt diah vo-evvah es du anna gaysht.”

Joshua 7:10

Avvah da Hah hott ksawt zumm Joshua, “Shtay uf! Favass bisht du uf dei ksicht kfalla?

Richtah 4:14

No hott di Deborah ksawt zumm Barak, “Gay nau, dess is da dawk es da Hah da Sisera in dei hend gevva hott. Gukk moll, da Hah is fannich diah heah ganga.” So is da Barak nunnah ganga fumm Berg Thabor un zeyya dausend mennah sinn hinnich eem nohch ganga.

1. Samuel 17:37

Da Hah es mich aus di macht fumm layb un em beah kalda hott, zayld mich aus di hand funn demm Philishtah halda.” No hott da Saul ksawt, “Gay, un da Hah sei bei diah.”

1. Samuel 20:13

Avvah vann mei daett diah shawda du vill, dann loss da Hah mich shtrohfa vann ich dich nett vissa loss un dich vekk aus di kfoah shikk. Un da Hah sei mitt diah vi eah voah mitt meim daett.”