1. Chronik 18:13 - Pennsylvania Dutch Bible

¹³ Eah hott greeks-gnechta eiksetzt in di shtett gans deich Edom, un awl di Edomiddah sinn em Dawfit sei gnechta vadda. Da Hah hott em Dawfit di ivvah-hand gevva vo-evvah es eah anna ganga is.

1. Chronik 18:13 ပူးပေါင်းရင်းမြစ်များ

1. Mosi 25:23

Un da Hah hott ksawt zu iahra, “Zvay kshlechtah sinn in deim leib, un zvay sadda leit zayla ausnannah gay funn deim leib. Ay leit zayld shteikah sei es di annah. Un da elsht zayld em yingshta deena.”

1. Mosi 27:29

Feel leit sella diah abvoahra, un leit sella sich nunnah bikka zu diah. Du solsht meishtah sei ivvah dei breedah, un dei muddah iahra boova sella sich bikka zu diah. Faflucht sella selli sei es dich faflucha, un ksaykend sella selli sei es dich saykna.”

1. Mosi 27:37

Avvah da Isaac hott ksawt zumm Esau, “Ich habb een meishtah gmacht ivvah dich, un awl sei freindshaft havvich gevva zu eem fa gnechta. Ich habb een faseikt mitt frucht un neiyah vei, un vass kann ich nau du fa dich mei sohn?”

1. Mosi 27:40

Bei deim shvatt solsht du layva, un uf dei broodah solsht du abvoahra. Avvah di zeit zayld kumma es du aw en meishtah vasht, no brechsht du sei yoch funn deim hals.”

2. Samuel 23:14

An selli zeit voah da Dawfit in seim fashteiktah blatz un di Philishtah voahra an Bethlehem.

1. Kaynicha 11:15

Eahshtah an di zeit es da Dawfit am fechta voah mitt Edom, is da feld-hauptmann Joab nuff ganga fa di dohda Israeliddah mennah fagrawva, un eah hott awl di mennah funn Edom doht gmacht.

1. Chronik 18:12

Di Zeruia iahra boo, da Abisai, hott achtzay dausend Edomiddah doht gmacht in di Sals Valley.

1. Chronik 18:14

So voah da Dawfit kaynich ivvah gans Israel, un eah hott gedu vass recht voah fa awl sei leit.

1. Chronik 18:6

Da Dawfit hott no greeks-gnechta ivvah di Aramayah ksetzt in Damascus, un si sinn sei gnechta vadda un henn tax betzawld zu eem. Da Hah hott em Dawfit di ivvah-hand gevva vo-evvah es eah anna ganga is.

Psalm 121:7

Da Hah zayld dich heeda funn alles eviles; eah heet dei sayl.

Psalm 144:10

du es di evvahsht-hand gebsht zu kaynicha, du es dei gnecht da Dawfit aus di kfoah fumm shvatt nemsht.

4. Mosi 24:18

Edom vatt ivvah-gnumma; un Seir, sei feind, vatt nunnah kshmissa, avvah Israel zayld shteik vadda.

2. Korinther 11:32

In Damascus hott da ivvah-saynah unnich em Kaynich Aretas di shtatt funn Damascus gvatsht so es eah mich fesht nemma kann.

1. Samuel 10:5

Noch sellem zaylsht du an da hivvel funn Gott in Gibeah kumma vo di Philishtah en greeks-camp henn. Vi du an di shtatt kumsht, zaylsht du en drubb brofayda ohdreffa es am runnah kumma sinn fumm hohcha blatz mitt grohsi un glenni harfa, un tambourines un flutes es am kshpeeld vadda sinn fannich eena un si zayla am broffetzeiya sei.

1. Samuel 13:3

Da Jonathan hott no di Philishtah greeks-gnechta nunnah kshlauwa es an Geba geblivva voahra, un di Philishtah henn keaht difunn. No hott da Saul's blohs-hann blohsa glost deich's gans land un hott ksawt, “Losset di Hebrayah heahra!”

1. Samuel 14:1

Ay dawk hott em Saul sei boo da Jonathan ksawt zumm yunga mann es sei greeks-ksha gedrawwa hott, “Kumm vella nivvah uf di annah seit gay vo di Philishtah sich ufkokt henn.” Avvah eah hott nix ksawt zu seim daett.

1. Samuel 18:14

Alles es eah gedu hott, hott eah goot ausgricht, un da Hah voah bei eem.