1. Chronik 14:2 - Pennsylvania Dutch Bible

² Da Dawfit hott gvist es da Hah een kaynich gmacht hott ivvah Israel, un es eah sei kaynich-reich oahrich grohs gmacht hott fa di sayk funn di Kinnah-Israel.

1. Chronik 14:2 ပူးပေါင်းရင်းမြစ်များ

2. Samuel 7:16

Dei haus un dei kaynich-reich zayld ayvichlich shtay fannich miah; dei kaynich-shtool zayld eiksetzt sei fa'immah.’”

2. Samuel 7:8

So nau sawk meim gnecht da Dawfit, ‘Dess is vass da Awlmechtich Hah sawkt: Ich habb dich gnumma funn di shohf in di vayt-feldah un habb dich roolah gmacht ivvah mei leit Israel.

1. Kaynicha 10:9

Glohbt sei da Hah dei Gott es sich kfroit hott mitt diah un dich uf da kaynich-shtool funn Israel kokt hott. Veil da Hah Israel ayvichlich leeva dutt, hott eah dich kaynich gmacht fa sayna ditzu es alli-ebbah gricht vatt in gerechtichkeit.”

1. Chronik 14:1

Da Hiram, da kaynich funn Tyrus, hott leit kshikt mitt vatt zumm Dawfit, un aw cedar blekk, shtay-shmitt un zimmah fa en kaynich-haus bauwa fa een.

1. Chronik 14:3

Da Dawfit hott no noch may veivah gnumma in Jerusalem un eah is da daett vadda funn noch may boova un mayt.

1. Chronik 17:17

Un dess voah yusht en glay ding in dei awwa, oh Gott, avvah du hosht kshvetzt veyyich deim gnecht sei haus es noch am kumma is, un hosht uf mich gegukt es vann ich en hohch-gachtah mann veah, oh Hah Gott.

2. Chronik 2:10

Ich gebb dei gnechta, di hols-hakkah, zvansich dausend bushel vaytza, zvansich dausend bushel geahsht, zvansich dausend galla vei un zvansich dausend galla ayl.”

2. Chronik 2:11

Da Huram, da kaynich funn Tyrus, hott no deah breef zrikk kshikt zumm Solomon: “Veil da Hah sei leit leeb hott, dann hott eah dich kaynich gmacht ivvah si.”

Esther 4:14

Vann du nix sawksht an dee zeit, dann kumd hilf un freiheit funn dee kfoah zu di Yudda funn eiyets shunsht, avvah du un dei daett sei family zaylet umkumma. Un veah vayst eb nett fleicht du an deah kaynichlich blatz kumma bisht fa so en zeit vi dess?”

Daniel 2:30

Nau dess fashtekkeld ding voah gvissa zu miah, nett veil ich may veisheit habb es ennich ebbah shunsht, avvah so es du, oh kaynich, vaysht vass es maynd, un di gedanka fashtaysht es uf dei meind voahra.

4. Mosi 24:7

Vassah lawft aus sei aymahra; sei sohma zayld feel vassah havva. Sei kaynich zayld graysah sei es da Agag; un sei kaynich-reich vatt ufkohva.

5. Mosi 28:1

Vann diah em Hah eiyah Gott folshtendich heichet, un acht gevvet fa awl sei gebodda halda es ich eich gevva habb heit, dann zayld da Hah eiyah Gott eich hohch ovvich awl di heida uf di eaht setza.