1. Chronik 13:11 - Pennsylvania Dutch Bible

¹¹ No voah da Dawfit bays, veil em Hah sei zann hays voah geyyich da Usa. Un sellah blatz is Perez-Usa kaysa vadda nuff biss heit.

1. Chronik 13:11 ပူးပေါင်းရင်းမြစ်များ

1. Mosi 32:32

Sell is favass, even heit, di Kinnah-Israel di flexa es di hift zammah hayva nett essa doon. Dess is veil eah em Jakob sei flexa ausnannah gezowwa hott es di hift zammah hayva.

2. Samuel 6:7

Em Hah sei zann hott hays gebrend geyyich da Uzzah veil eah dess gedu hott, un Gott hott een nunnah kshlauwa. Grawt datt is eah kshtauva nayvich di Bundes-Lawt funn Gott.

2. Samuel 6:9

Sellah dawk hott da Dawfit sich kfeicht veyyich em Hah un eah hott ksawt, “Vee kann di Bundes-Lawt fumm Hah selayva zu miah kumma?”

1. Chronik 13:10

Em Hah sei zann hott hays gebrend geyyich da Usa, un eah hott een nunnah kshlauwa veil eah di Bundes-Lawt ohgraykt hott. Un grawt datt is eah kshtauva fannich Gott.

1. Chronik 13:12

Da Dawfit hott sich kfeicht veyyich Gott sellah dawk un hott kfrohkt, “Vee soll ich di Bundes-Lawt funn Gott zu miah bringa?”

1. Chronik 15:13

Veil diah Lefiddah di Bundes-Lawt nett gedrawwa hend's eahsht mohl, is da Hah unsah Gott raus gebrocha in zann geyyich uns. Dess voah aw veil miah een nett kfrohkt katt henn da vayk vi's kfoddaht is.”

2. Mosi 19:22

Un even di preeshtah es nayksht zumm Hah kumma missa sich heilich macha, shunsht brecht da Hah raus uf si.”

Jona 4:4

Avvah da Hah hott ksawt, “Hosht du en recht fa bays sei?”

Jona 4:9

Avvah Gott hott ksawt zumm Jona, “Hosht du goodi uahsach fa bays sei veyyich em shtokk?” Da Jona hott ksawt, “Ich habb goodi uahsach fa bays sei, bays genunk fa shteahva.”

5. Mosi 34:6

Eah hott een fagrawva datt in Moab drunna in di valley nayksht an Beth-Peor, avvah nimmand vayst vo sei grawb is even heit noch.

Joshua 4:9

No hott da Joshua zvelf shtay in di mitt fumm Jordan ufkokt am blatz vo di preeshtah kshtanna henn es di Bundes-Lawt gedrawwa henn. Un si sinn datt heit noch.