1. Chronik 11:14 - Pennsylvania Dutch Bible

¹⁴ No henn si sich kshteld in di mitt funn sellem feld. Datt henn si di Philishtah nunnah kakt, un da Hah hott eena kolfa di Philishtah ivvah-kumma.

1. Chronik 11:14 ပူးပေါင်းရင်းမြစ်များ

2. Samuel 23:10

avvah eah hott sei grund kshtanna un hott di Philishtah nunnah kakt biss sei hand meet vadda is un nimmi gay lossa hott kenna funn sei shvatt. Sellah dawk hott da Hah di grohs ivvah-hand grikt. Vo's ivvah voah sinn di mennah funn Israel zrikk kumma un henn di dohda grawbt.

2. Kaynicha 5:1

Da Naaman voah da hauptmann im kaynich funn Syria sei army. Eah voah en grohsah mann un hohch ohksenna bei seim meishtah veil da Hah Syria kolfa hott iahra feinda ivvah-kumma deich een. Eah voah en vichtichah greeks-gnecht, avvah eah hott aussatz katt.

1. Chronik 11:13

Eah voah beim Dawfit an Pas-Dammim vo di Philishtah sich fasammeld henn fa fechta. Es voah en shtikk grund datt es en geahsht feld voah, un di leit sinn kshprunga fannich di Philishtah.

1. Chronik 11:15

Aymol sinn drei funn di dreisich evvahshti mennah runnah zumm Dawfit an da felsa kumma, an's loch funn Adullam. Un di Philishtah henn sich ufketzt katt in di Rephaim Valley.

Psalm 144:10

du es di evvahsht-hand gebsht zu kaynicha, du es dei gnecht da Dawfit aus di kfoah fumm shvatt nemsht.

Psalm 18:50

Eah helft em kaynich so es eah sei feinda ivvah-kumd; eah gebt shtandhaftichi-leevi zu sellah es eah ksalbt hott, zumm Dawfit un sei nohch-kummashaft fa'immah.

Shpricha 21:31

Da gaul is grisht fa fechta im greek, avvah sayf bleiva heaht zumm Hah.

1. Samuel 14:23

So hott da Hah Israel kolfa sellah dawk, un di fecht is so veit ganga es biss uf di annah seit funn Beth-Aven.

1. Samuel 19:5

Eah hott sei layva in sei hend gnumma vo eah da Philishtah doht gmacht hott. Deich een hott da Hah di ivvah-hand gevva zu gans Israel. Du hosht's ksenna un voahsht froh. Favass vitt du dann letz du zu en unshuldichah mann vi da Dawfit bei een doht macha unni uahsach?”