Zekaraya 9:15 - Holy Bible Nigerian Pidgin English

¹⁵ Oga God wey get pawa go protet en pipol and dem go distroy dia enemies. Dem go dey shaut for war like who drink dey katch and dem go kill dia enemies finish. Dia enemies blood go plenty well-well like sakrifice blood wey dem pour put for di altar.

Zekaraya 9:15 ပူးပေါင်းရင်းမြစ်များ

Job 41:28

E nor get di arrow wey won make am run, even wen dem stone am with rock, e bi like straw for en body.

Psalms 78:65

Den God raiz-up like sey E just dey wake from sleep; like strong soja wey en eye just klear from drink.

Exodus 27:2

Den yu go make four horn for en four korna; di horns go bi part of am. Yu go take bronze kover am.

Song of Songs 1:4

Draw mi follow yu! Make wi kwik komot here! Make di king take mi go en room. Awa king, wi dey happy well-well, bikos of yu and wi like yor love pass wine. Yes, di yong wimen dey honor yu and dat na di rite tin to do.

Song of Songs 5:1

I don enter my gardin, my treasure and wife to bi! I don gada myrrh with spices and I don chop my honi-komb and my honey; I don drink my wine and my milk! Una wey sabi love, make una chop and drink until love shark una.

Song of Songs 7:9

So make yor mout taste like di wine wey good pass, wey go flow small-small enter awa lips wen wi dey sleep togeda.

Isaya 37:35

I go defend and protet dis town, bikos of my honor and wetin I promise David, my savant.’ ”

Isaya 55:1

God sey, “All of una wey wota dey hongry, make una kom drink from dis wota! Una wey nor get money, make una kom chop! Make una kom drink wine and milk and una nor go pay anytin!

Levitikus 4:18

Den e go put some blood for di horn for di incense altar wey dey di tent. E go pour di blood wey remain for under di altar wey dem dey use take dey burnt sakrifice wey dey di tent gate.

Levitikus 4:25

Di priest go shuk en hand inside di animal blood kon put am for di horn for di altar wey dem dey use for burnt ofrin. Den e go pour di remainin ones under di altar.

Levitikus 4:7

Den e go put some of di blood for di horn for di incense altar wey dey di tent. E go pour di blood wey remain under di altar wey dem dey use take dey burn ofrin, wey dey di tent gate.

Mikah 5:8

Doz wey remain for Israel go skata go oda nashons and dem go bi like lion among animals for bush; like yong lion wey dey mash and kill oda animals without who go save dem.

Zekaraya 10:5

Judah pipol go win and mash dia enemies for portor-portor. Wen dem go fight, dem go win dia enemies, bikos mi God dey with dem.

Zekaraya 10:7

Israel pipol go bi like strong sojas and dem go happy like pipol wey drink wine. Dia shidren go remember as dem take win kon happy, bikos of wetin God don do.

Zekaraya 12:6

For dat day, I go make Judah leaders bi like fire wey dey burn forest and farm wey ripe korn full. Dem go distroy all di nashons wey surround dem, den Jerusalem pipol go dey save.

Zekaraya 12:8

For dat time, God go protet doz wey dey stay Jerusalem and even doz wey weak pass among dem, go dey strong, just as David, dia grand-grand papa bi. David shidren-shidren go lead dem like God angel and dem go bi like God.

Zekaraya 14:20

For dat day, dem go rite sey, “Na Oga God Dey holy.” Di pot wey dey God temple go dey holy, just as di basin wey dey di altar front.

Zekaraya 14:3

Den God go-go fight against doz nashons, just as E fight before.

Zekaraya 2:9

God sey, “I go ponish dem well-well and na dia own slave go distroy and pak dia propaty.” Den una go know sey na Oga God wey dey rule ova evritin send mi kom.

Zekaraya 9:17

Dem go dey good and fine well-well! Di korn and wine wey di yong pipol go dey chop and drink, go make dem grow and dey strong.

1 Korintians 1:18

Di message about Christ deat for cross bi like foolish matter to pipol wey don lost, but for wi wey God don save, di message na God pawa.

Efesians 5:18

Make una nor dey drink strong drink, bikos e go distroy una. But make una allow God Spirit fill una mind.

1 Samuel 17:45

But David ansa am, “Yu dey kom meet mi with swod, spear and javelin. But I dey kom meet yu with di name of di Oga wey bi God of all ogas; Israel sojas God wey yu dey shalenge.