Zekaraya 8:8 - Holy Bible Nigerian Pidgin English

⁸ I go bring una kom back to una house and una go get peace for Jerusalem. Una go bi my pipol and I go bi una God wey go rule and judge una well.”

Zekaraya 8:8 ပူးပေါင်းရင်းမြစ်များ

Jenesis 17:8

I go give yu and yor shidren dis land where yu dey stay as strenja naw. Di whole Kanaan land go bi yor shidren-shidren own forever and I go bi dia God.”

Jeremaya 11:4

Wen I take Israel, my pipol komot from Egypt where di land bi like fire for dia body, na der I for make kovenant with dem. I tell dem make dem obey and do evritin wey I kommand. I still sey, if dem obey mi, dem go bi my pipol and I go bi dia God.

Jeremaya 23:8

Instead dem go sey, ‘Yu bi di God wey dey alive wey bring Israel pipol kom back from di land for nort and from di oda kountries wey Yu skata dem go.’ For dat time, dem go dey dia own land.”

Jeremaya 24:7

I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 30:22

Dem go bi my pipol and I go bi dia God. Mi, wey bi God, don tok.”

Jeremaya 31:1

God sey, “For dat time, all di tribe wey dey Israel, na mi go bi dia God and dem go bi my pipol.

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Jeremaya 32:41

I go happy to do good tins for dem and I go plant dem for dis land forever.

Jeremaya 4:2

den, na only my name una go take swear sey, ‘As long as God dey alive, wi go do wetin wi promise’, den all di nashons go praiz mi and I go bless dem bikos of una.”

Ezekiel 11:20

Dat time, dem go keep my law and obey my kommand with all dia heart. Dem go bi my pipol and I go bi dia God.

Ezekiel 36:28

Den una go stay for di land wey I give una grand-grand papa dem. Una go bi my pipol and I go bi una God.

Ezekiel 36:33

God wey get pawa sey, “Wen I don klean una from all una sins, I go let una plenty kon ribuild una towns wey don skata.

Ezekiel 37:25

Dem go stay for di land wey I give Jakob wey bi my savant; di land where dia grand-grand papa dey before. Dem with dia shidren and grand-shidren go stay der forever. Na from my savant David house, dia king go always kom from.

Ezekiel 37:27

I go stay der with dem; I go bi dia God and dem go bi my pipol.

Hosea 11:11

Dem go rush kom from Egypt like bird and from Assyria like dove. I go bring dem kom back to dia town again. Mi, wey bi God, don tok.”

Joel 3:20

But pipol go full Judah land forever and Jerusalem land go dey from one generashon go rish anoda one.

Levitikus 26:12

I go dey with una; I go bi una God and una go bi my pipol.

Zekaraya 10:10

I go bring dem kom back from Egypt and Assyria kon make dem stay dia own kountry again. I go still make dem stay for Gilead and Lebanon and dia pipol go full di whole land.

Zekaraya 10:6

“I go make Judah pipol strong and I go save Israel pipol. I go sorry for dem kon bring dem back to dia land. Dem go bi like pipol wey I neva rijet before. Na mi bi Oga dia God and I go ansa all dia prayers.

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

Zekaraya 2:11

For dat time, many nashons go kom meet God and dem go bi en pipol. God go stay with una, den una go know sey na God send mi kom.

Revelashon 21:3

And I hear one loud vois from di throne dey sey: “Make yu look! God house don dey with human being naw. E go stay with dem and dem go bi en pipol. God ensef go dey with dem.

Revelashon 21:7

Di pesin wey win, go inherit dis tins. I go bi en God and e go bi my pikin.