Zekaraya 7:12 - Holy Bible Nigerian Pidgin English

¹² Dia heart strong like rock and dem nor gri obey my profets wey dey among dem. So I vex kon ponish dem well-well.

Zekaraya 7:12 ပူးပေါင်းရင်းမြစ်များ

2 Kronikles 36:13

King Zedekaya attack King Nebukadnezzar wey don make am swear with God name sey e go dey loyal to am. King Zedekaya sturbon well-well and e nor gri turn from sin kom meet di Oga wey bi Israel God.

2 Kronikles 36:16

But dem laf God messenjas, rijet en warnin and en profets. At last, God vex for en pipol and nobody fit stop am wen E dey vex.

Job 9:4

God too get sense and en pawa dey mighty; nobody fit stand against am.

Psalms 50:17

Una nor gri listin to my kommand, instead una dey do my word anyhow like dirty.

Exodus 7:13

With all dis ones, Fero heart still strong well-well and e nor gri listin to dem, just as God tok.

Isaya 46:12

So, una wey sturbon and nor dey do di rite tin, make una listin to mi.

Isaya 48:4

Bikos I know how una sturbon rish; una neck strong like iron and una head bi like bronze.

Isaya 6:10

Den E tell mi, “Go make dis pipol get strong heart, deaf dia ear and blind dia eyes, so dat dem nor go si, hear or undastand again. If dem bi like dat, dem go turn kom meet mi and I go heal dem.”

Isaya 65:12

una go die yeye deat, bikos na so una wont am and una nor ansa wen I koll una or listin wen I tok to una. Una nor gri obey mi, instead una kon dey do wiked tins.

Jeremaya 17:1

God sey, “Judah pipol, na iron biro dem take rite una sin; na diamond pin dem take karve am for una heart and di altar korna.

Jeremaya 17:23

But una grand-grand papa nor listin to mi, bikos dem sturbon and nor gri obey or learn from mi.” ’

Jeremaya 26:19

“King Hezekaya and di pipol nor kill Mikaya, abi dem kill-am? But King Hezekaya honor God kon try to win en favor. So, God kon shange en mind and E nor distroy dem again. But as e bi so, wi dey won kause sirious wahala for awasef.”

Jeremaya 42:21

And naw, I don tell una, but una nor one gri do evritin wey God sey make I tell una.

Jeremaya 5:3

My God, shebi na trut Yu wont? But even wen Yu ponish dis pipol, dem still nor gri shange and wen Yu nearly distroy dem, dem nor gri take korreshon. Dia heart strong like rock and dem nor won turn from sin kom meet Yu make Yu for forgive dem.

Jeremaya 7:20

So, di Oga God sey, “I go pour my vexnashon for dis land. I go pour am put for both pipol and animals body and even di trees and food wey dem plant. My vexnashon go burn like fire and nobody go fit kwensh am.”

Ezekiel 11:19

I go give dem new heart and mind. I go komot dia sturbon heart wey bi like stone kon put anoda heart wey dey gentol and dey obey.

Ezekiel 14:5

All dis juju don make Israel pipol turn from mi, but afta I don ansa dem, I bilive sey dem go turn back kom meet mi.

Ezekiel 2:4

Di pipol wey I dey send yu go meet so, dem sturbon well-well and dem nor dey respet mi. So I dey send yu go tell dem wetin mi, God wey get pawa dey tok.

Ezekiel 36:26

I go give una new heart; di one wey go make una obey my kommand.

Zekaraya 1:2

Mi wey bi God, bin dey vex well-well for una grand-grand papa dem,

Zekaraya 7:7

Dis nor bi di same message wey God tell una thru en profets before-before wen Jerusalem and Judah town dey stay for peace and wen Negev and Judah pipol still plenty?’ ”

Matiu 13:15

Dis pipol nor go fit undastand; dem nor won hear anytin, dem klose dia eyes make dem nor for fit si and hear with dia ear. Dia mind don block, so dem nor go fit undastand, but if to sey dem fit turn kom meet mi, I for heal dem.’

Mark 4:12

so dat, “dem go dey look, but dem nor go si, dem go dey hear, but dem nor go undastand and dem nor go fit turn from dia sin kom meet God make E forgive dem.”

Luke 8:12

Di ones wey fall for road, na di pipol wey hear God word, but devil kon tif am from dia heart, so dat dem nor go bilive and God nor go save dem.

Acts 28:27

Una heart nor dey undastand and una ear nor dey hear well again. Devil don klose una eye, make una nor for fit si; hear with una ears or undastand with una heart, so dat una nor go fit turn kom meet God, make E for heal una.” ’

2 Pita 1:21

bikos know profesy don ever kom out from human being mind. Instead, na di Holy Spirit dey kontrol di pipol wey dey tok God word.