Zekaraya 6:13 - Holy Bible Nigerian Pidgin English

¹³ Naim go build di temple kon take di praiz wey suppose bi di king own and e go rule en pipol. One priest go stand near en throne and dem go work togeda with peace and undastandin.

Zekaraya 6:13 ပူးပေါင်းရင်းမြစ်များ

Jenesis 14:18

Melkizedek wey bi Salem king kon bring wine and bread kom out. (Dis Melkizedek na di Most High God priest.)

2 Samuel 7:13

Na-im go build temple for mi and I go make sure sey en kingdom go dey forever.

Psalms 110:1

Di OGA tell my Oga God, “Make Yu sidan for where honor dey for my rite hand, until I don put all yor enemies under yor leg.”

Psalms 110:4

God don promise and E nor go break di vow wen E make sey: “Yu bi priest forever like Melkizedek.”

Psalms 21:4

Wen e sey make Yu save en life, Yu do evritin wey e ask for and en family go rule forever.

Psalms 21:5

Yor viktory dey gi-am betta honor. Viktory with majesty wey make evribody know am for evritin.

Isaya 11:10

Di day dey kom wen di new king from David family go bi sign to all di nashons. Pipol go gada for en royal town; gi-am respet kon ask make e guide dem.

Isaya 22:24

En whole family go dey popula bikos of am, dat is evribody wey rilate to am, go dey popula. Bikos of am, en family go balance like plate and pot wey dem hang for wall.

Isaya 54:10

Even doh di mountins and hills go skata, di love wey I get for una, nor go ever end. I go keep my peace and promise forever.” Na God wey love una, tok all dis tins.

Isaya 9:5

True-true, dem go burn di boot wey di sojas take fight and dia klot wey blood stain.

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Jeremaya 23:5

God sey, “Di time dey kom wen I go choose betta king from among David shidren-shidren. E go rule di land with wisdom kon do wetin dey korrect and good.

Jeremaya 23:6

Wen e bikom king, Judah pipol go dey save and Israel pipol go stay for peace. Dem go koll am, ‘Na God bi awa raitiousness.’ ”

Jeremaya 33:15

For dat time, I go choose king wey dey raitious from David shidren-shidren. “Di king go do wetin dey korrect and good for evriwhere for di land.

Mikah 5:4

Wen e kom, e go lead di pipol with God strent, pawa and name. Den en pipol go stay for peace, bikos dem go dey honor am for evriwhere for di world.

Zekaraya 4:14

Den e tell mi, “Na dem bi di two pesin wey dem anoint for heaven to serve Oga wey bi God for di whole eart.”

Zekaraya 4:9

“Na Zerubabel start di temple foundashon and na-im go komplete am. Dat time, una go know sey na Oga God send mi kom.

Zekaraya 6:11

Yu go use di silva and gold wey dem bring as gift take make crown, den crown Joshua, Jehozadak pikin, wey bi di High Priest.

Romans 5:1

Since faith don make us dey good for God eye, wi don get peace thru awa Oga God Jesus Christ.

Kolossians 1:2

To all God pipol for Kolosse, wey bi awa brodas and sistas for Christ. Make God awa Papa give una grace and peace.

Hibru 3:1

My brodas and sistas wey God choose, make una tink about dis Jesus wey God send kom and na-im bi di High Priest wey wi bilive.

Hibru 6:20

di place where Jesus don enter for us and don bikom High Priest forever, just as Melkizedek bi.

1 Pita 3:22

go heaven kon go sidan for God rite hand, where e dey rule di angels and doz wey get pawa.

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.