Zekaraya 4:7 - Holy Bible Nigerian Pidgin English

⁷ “Even di strongest mountin nor go fit stand fight Zerubabel, bikos di mountin go turn ordinary groun for en front! And wen Zerubabel don put di final stone for where e suppose dey for di temple, di pipol go shaut, ‘Make God bless am! Make God bless di temple well-well!’ ”

Zekaraya 4:7 ပူးပေါင်းရင်းမြစ်များ

Ezra 3:10

Wen di men start di temple foundashon, di priests wear dia garment, stand for dia pozishon kon hold dia trumpet for hand. Levi pipol wey kom from Asaf family still stand der too with dia cymbals. Dem praiz God akordin to wetin dem rite down for King David time.

Psalms 114:4

Di mountins jump like goat and di hills run like lamb.

Psalms 114:6

Yu mountins, wetin make Yu jump like goat? Yu hill, why Yu run like lamb?

Psalms 118:22

bikos di stone wey di pipol wey dey build rijet, don turn to di main stone.

Psalms 84:11

Oga God na awa sun and naim dey protet us. God dey give us grace and glory and E go always dey good to doz wey dey do good.

Isaya 28:16

Naw, dis na wetin God tok, “I dey put one foundashon stone for Zion and dem rite dis word put, ‘Di pesin wey bilive and get faith, make e nor fear.’

Isaya 41:15

I go make una bi like new swod wey get sharp korna. Una go distroy all una enemies and di mountins and hills go skata for groun like dust.

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Jeremaya 51:25

Babilon! Yu bi like mountin wey distroy di whole world, but mi wey bi God, na una enemy. I go katch, skata and burn una to ashes.

Mikah 1:4

Den di mountins go melt under en leg like kandol wey melt for fire kon rush enter di valley like wota wey dey rush kom from hill.

Mikah 4:1

For di last days, di mountin where God temple dey, na-im go high pass all di mountins. E go high pass di hills too and pipol from evry nashon go dey rush go der go woship God.

Habakkuk 3:6

Wen E stop, di eart go start to shake and wen E look, di nashons go bigin fear. All di mountins go skata; di hills wey dey since go sink and E go dey forever and ever.

Zekaraya 4:8

Den God tell mi anoda message:

Zekaraya 4:9

“Na Zerubabel start di temple foundashon and na-im go komplete am. Dat time, una go know sey na Oga God send mi kom.

Matiu 21:21

Jesus ansa dem, “I tell una true word, if una get faith and una nor dey doubt, una nor go only do wetin happen to dis fig tree, but if una tell dis mountin, ‘Make yu move go inside di sea, e go-go.’

Matiu 21:42

Jesus kon tell dem, “Una neva read God word wey sey: “ ‘Di stone wey di builders rijet don bikom di pila? Dis na God work and e dey wonderful for awa eye.’

Mark 12:10

Una neva read God word wey sey, “ ‘Di stone wey di builders rijet, don turn to di main stone?

Luke 20:17

But Jesus look dem for face kon ask, “Wetin God word mean wen e sey: “ ‘Di stone wey di builders rijet, don turn to di main stone?’

Luke 3:5

Evry place wey low, God go make am high and evry place wey high, God go make am low, bend-bend road go strait, di road wey bad, go good

Acts 4:11

Dis Jesus Christ, di good stone wey una trowey, God don make am di main pila wey dey whole di house.

Romans 11:6

If na by grace God choose dem, dat mean sey, nor bi by pesin pawa: Bikos if na by pesin pawa, den grace nor mean anytin again.

Efesians 2:20

Dis na bikos, God don build una on-top di apostles and profets foundashon and na Jesus Christ bi di nomba one stone wey God take lay di foundashon.

1 Pita 2:7

So, una wey bilive don know en value, but for di pipol and builders wey nor bilive, dat Stone don kon bi di main stone.

Revelashon 16:20

All di island and mountins skata finish.